कोपा अमेरिकामा इक्वेडरको पहिलो जित
![](https://neplays.com/img/posts/Equadar_win_copa.jpg)
-
एजेन्सी
- |
- २०८१-०३-१३
- |
- 298 पटक हेरिएको
कोपा अमेरिका फुटबलमा इक्वेडरले पहिलो जित निकालेको छ । विहीबार विहान सकिएको पहिलो खेलमा इक्वेडरले जमैकामाथि ३–१ गोल अन्तरको जित दर्ता गरेको हो ।
जितसँगै २ खेलमा ३ अंक बनाएको इक्वेडर गोल अन्तरका आधारमा समूह ‘बी’को शीर्ष स्थानमा छ ।
इक्वेडरले जित निकाल्दा अग्रता भने उपहार गोलबाट लिएको थियो । जमैकाका केसइ पालमरले आफ्नै पोस्टमा १३ औं मिनेटमा गोल गरेपछि इक्वेडरले अग्रता लिएका थिए ।
पहिलो हाफको अतिरिक्त चौथो मिनेटमा रे केन्ड्रे पेइजले गोल गरेपछि इक्वेडर २–० को सहज अवस्थामा पुगेको थियो ।
५४ औं मिनटमा मिचेल एन्टोनियाले जमैका लागि एक गोल फर्काए ।
तर, दोस्रो हाफको अतिरिक्त पहिलो मिनेटमा एलन स्टेभ गार्सियाले गोल गरेपछि इक्वेडर ३–१ को जितसहित ३ अंक लिन सफल भयो । जमैकाको भने यो लगातार दोस्रो हार हो । यो समूहमा भेनेजुएला र मेक्सिो पनि रहेका छन् ।