भारतीय क्रिकेट कन्ट्रोल बोर्ड (बीसीसीआई) ले टी-२० विश्वकप विजेता भारतीय टोलीका सदस्यहरूलाई पुरस्कार घोषणा गरेको छ ।

बार्बाडोसमा भएको फाइनल खेलमा दक्षिण अफ्रिकालाई ७ रनले पराजित गर्दै भारतले दोस्रो पटक टी-२० प्रतियोगिताको उपाधि जितेको हो ।

रोहित शर्माको कप्तानीमा भारतले १७ वर्षपछि टी-२० विश्वकपको उपाधि जितेको छ । भारतीय टोलीको यो ११ वर्षमा पहिलो आईसीसी उपाधि हो ।

बीसीसीआईका सचिव जय शाहले टी-२० विश्वकप जित्ने टोलीलाई १२५ करोड रुपैयाँ पुरस्कार दिने घोषणा गरेका छन् ।

जय शाहले एक्समा लेखेका छन्, ‘आईसीसी पुरुष टी-२० विश्वकप २०२४ को विजेता भारतीय टोलीका लागि १२५ करोड रुपैयाँको पुरस्कार राशि घोषणा गर्न पाउँदा म खुसी छु । टोलीले प्रतियोगिताभर असाधारण प्रतिभा, दृढ संकल्प र कौशल प्रदर्शन गरेको छ । यस उत्कृष्ट उपलब्धिको लागि सबै खेलाडी, प्रशिक्षक र सहयोगी स्टाफलाई बधाई छ ।

I am pleased to announce prize money of INR 125 Crores for Team India for winning the ICC Men’s T20 World Cup 2024. The team has showcased exceptional talent, determination, and sportsmanship throughout the tournament. Congratulations to all the players, coaches, and support… pic.twitter.com/KINRLSexsD

— Jay Shah (@JayShah) June 30, 2024