पिएसजीलाई पराजित गर्दै सिटी समुह विजेता
- नेप्लेज
- |
- २०७८-०८-०९
- |
- 450 पटक हेरिएको
हाइलाइट्स
- केलिएन एम्बाप्पेले ५० औ मिनेटमा लिग वान क्लब पिएसजीलाई अग्रता दिलाए
- स्ट्रलिङले सिटीलाई ६३ औ मिनेटमा बराबरीमा ल्याए
- जेससले ७६ औ मिनेटमा बर्नान्डो सिल्भाको पासलाई सदुपयोग गर्दै टीमको जित निश्चित गरे
इंग्लिस क्लब म्यानचेस्टर सिटी युरोपियन च्याम्पियन्स लिग अन्तर्गत बुधबार राति भएको खेलमा फ्रेन्च क्लब पिएसजीलाई २-१ ले पराजित गर्दै समुह विजेताका रुपमा नकआउट चरण प्रवेश गरेको छ। समुह ए मा आफ्नो अन्तिम खेलमा घरेलु मैदानमा सिटीले पिएसजी विरुद्ध पुनरागमन जित संभव बनायो।
पहिलो हाफ गोलरहित बराबरी भएको खेलमा केलिएन एम्बाप्पेले ५० औ मिनेटमा लिग वान क्लब पिएसजीलाई अग्रता दिलाए। तर उत्कृष्ट प्रदर्शन गर्दै आएका रहिम स्ट्रलिङले सिटीलाई ६३ औ मिनेटमा बराबरीमा ल्याए। निकै रोमाञ्चक बनेको खेलमा सिटीका लागि विजयी गोल भने गाब्रियल जेससले गरे। जेससले ७६ औ मिनेटमा बर्नान्डो सिल्भाको पासलाई सदुपयोग गर्दै टीमको जित निश्चित गरे।
समुहको अर्को खेलमा आरबी लाइप्जिगले क्लब ब्रुगलाई ५-० ले पराजित गर्योो। यद्धपि समुह 'ए' बाट सिटी ५ खेलमा १२ अंक जोड्दै शीर्षस्थानमा रहँदा ८ अंक बनाएको पिएसजी दोस्रो स्थानमा रहँदै छनोट भएको छ। लाइप्जिग र ब्रुगको ४-४ अंक रहेको छ।