युरो २०२० मा युक्रेनले पहिलाे जित निकाल्दा मेसेडाेनियाकाे लगातार दाेस्राे हार
- नेप्लेज
- |
- २०७८-०३-०३
- |
- 838 पटक हेरिएको
हाइलाइट्स
- पाैने १० बजे डेनमार्क भर्सेस बेल्जियम
- पाैने १ बजे नेदरल्याण्ड्स भर्सेस अस्ट्रिय
युईएफए च्याम्पियनसिप फुटबलमा युक्रनेले पहिलो जित निकालेको छ ।
आज भएको पहिलो खेलमा युक्रेनले नर्थ मेसेडोनियालाई २–१ गोल अन्तरले पराजित गर्दै समूह सीमा तीन अंक जोड्न सफल भयो । मेसेडोनिया भने लगातार दुईखेलमा पराजित हुन पुग्यो ।
रोमानियामा भएको खेलमा युक्रेनलाई जिताउनका लागि एन्ड्रिय यार्मोलेन्को र रोमर यामरचोकले एक एक गोल गर्दा मेसेडोनियका लागि इज्ग्यान इलिओस्कीले एक गोल फर्काएका थिए ।
२९ औं मिनेटमा एन्ड्रिय यार्मोलेन्कोले गोल गर्दै युक्रेनलाई अग्रता दिलाएका थिए । त्यसको पाँच मिनेटपछि यामरचोकले गोल गर्दै अग्रता दोब्बर बनाएका थिए । पहिलो हाफमा २ गोल गरेको युक्रेनले दास्रो हाफमा एक गोल खाए पनि जित भने निकाल्न सफल भयो ।
५७ औं मिनेटमा इलिओस्कीले गोल गर्दै मेसेडोनियालाई खेलमा फर्काउने प्रयास गरे पनि सफल हुन सकेनन् ।
प्रतियोगिता अन्तर्गत अहिले पौने १० बजे डेनमार्क बेल्जियम खेल्दा राति पौने १ बजे नेदरल्याण्ड्स र अस्ट्रिया आमने सामने हुने छन् ।