पिकेलाई ३ खेलसम्मकाे प्रतिबन्ध हुनसक्ने
- नेप्लेज
- |
- २०७४-१०-२३
- |
- 172 पटक हेरिएको
माघ २३ । आइतबार राती ला लिगामा स्पान्योल बिरुद्ध गोल गरेपछि सेलिब्रेसनका क्रममा जेरार्ड पिकेको आक्रामक हाउभाउमाथि ला लिगाले निरीक्षण गरिरहेको छ। उनीमाथि १ देखि ३ खेलसम्मको प्रतिबन्ध हुनसक्छ ।
खेलको अन्त्यतिर मेस्सीको पासमा बराबरी गोल फर्काएपछि पिकेले औलाको इशारामा सबैलाई चुप रहन भनेका थिए, जसले स्पान्योल समर्थकले आफू अपमानित भएको महशुस गरेको स्पेनिस पत्रिका मार्काले उल्लेख गरेको छ ।
ला लिगाले यस घटनाप्रति निन्दा त गरिसकेको छ नै, उसले कानूनी प्रक्रिया पनि सुरु गर्न सक्नेछ ।
स्पान्योलको आँखामा पिके एक विवादास्पद खेलाडी बनेका छन् । पिकेले केहि वर्षअघि पनि स्पान्योलको मैदान र समर्थकको अपमान गरेको आरोप लागेको थियो ।