खुल्ला राष्ट्रिय पौडी जेठ महिनामा हुने
- नेप्लेज
- |
- २०७४-१२-३०
- |
- 300 पटक हेरिएको
नेपाल पौडी संघको आयोजनामा २२ औं खुला राष्ट्रिय पौडी प्रतियोगिता जेठ १८ र १९ गते हुने भएको छ ।
इन्डोनेसियामा हुने आसन्न १८ औं एसियाली खेलकुदका लागि खेलाडीको अन्तिम छनोट गर्ने उद्देश्यले प्रतियोगिता गर्न लागिएको पौडी संघका अध्यक्ष अशोक वज्राचार्यले जनाएका छन् ।
प्रतियोगितामा पुरुष र महिलातर्फ ५०, १ सय र २ सय मिटर फ्रिस्टायल र ५० र १ सय मिटर वटरफ्लाइ व्रेस्टस्ट्रोक र ब्याकस्ट्रोक स्पर्धामा प्रतिस्पर्धा हुनेछ । सबैभन्दा बढी फिना अंकका आधारमा खेलाडी छनोट गरिने पौडी संघले जनाएको छ ।
सोही प्रतियोगिता संगसगै उमेरसमूहका प्रतिस्पर्धा पनि हुनेछ । करिब ३ सय खेलाडी सहभागिता अनुमान गरिएको प्रतियोगिताका खेलहरु हात्तीवनस्थित लिटिल एन्जल्स स्कुलको पौडी पोखरीमा हुनेछ ।