आर्सनल समर्थकले भने ‘वेङ्गर आउट’
- नेप्लेज
- |
- २०७४-११-२२
- |
- 192 पटक हेरिएको
फागुन २२ । आर्सनलका ८८ प्रतिशत समर्थक नयाँ सिजनमा आर्सने वेङ्गरलाई निरन्तरता दिन नहुने पक्षमा देखिएका छन् ।
आर्सनल समर्थक कोष एएसटी को सोमबार लण्डनमा बसेको बैठकका सहभागी मध्ये अधिकांश आर्सने वेङ्गरको विपक्षमा देखिएका हुन् ।
ब्राइटनसँग पराजित भएपछि बसेको बैठक अघि एएसटीका सदस्यहरुसँग ब्यक्तिगत रुपमा नै यो सर्वेक्षण गरिएको थियो । जसमा ८८ प्रतिशत वेङ्गरको विपक्षमा, ७ प्रतिशत विपक्षमा र बाँकी ५ प्रतिशत अनिर्णित थिए ।
एएसटीमा एक हजारभन्दा बढी सदस्य छ । यो सर्वेक्षण ४५० जनामा आधारित रहेको डेलीमेलले जनाएको छ ।
एएसटीका प्रवक्ता निगेल फिलिप्सले भने, ‘हामी यसरी अघि बढ्न सक्दैनौं । बोर्ड र क्लबका मालिकले आर्सनेको विषयमा स्पष्ट धारणा राख्नुपर्ने देखिन्छ ।’