आर्सनल प्रिक्वार्टरफाइनल नजिक
- नेप्लेज
- |
- २०७४-११-०४
- |
- 165 पटक हेरिएको
फागुन ४ । स्वीडेनको ओस्टेरसुन्डलाई हराउँदै इंग्लिस क्लब आर्सनल युरोपा लिगको प्रिक्वार्टर फाइनल नजिक पुगेको छ ।
विहीबार राती भएको खेलमा लेगमा आर्सनलले ओसटेरसुन्डलाई ३–० ले हरायो ।
नाचो मोनेरलले १३ औं मिनेटमा गोल गर्दै आर्सनललाई सुरुवाती अग्रता दिलाए । २४ औं मिनेटमा आर्सनलले अग्रता दोब्बर बनायो । पापागाइनोपोलसल आत्मघाती गोल गरेका कारण आर्सनलले २–० को अग्रता लियो ।
पहिलो हाफमा २–० को अग्रता कायम राखेको आर्सनलले ५८ औं मिनेटमा एक गोल थप्यो । उसका लागि मेसुट ओजिलले गोल गरेका थिए ।
दोस्रो हाफका इन्ज्युरी समयमा ओस्टेरसुन्डले पेनाल्टीको अवसर पायो । तर सो पेनाल्टीलाई आर्सनल गोलकिपर डेविड ओस्पिनाले बचाएपछि आर्सनलले ‘क्लीनसीट’ पाएको हो ।