‘सी’ डिभिजन लिग : सानेपाको पहिलो जित
- नेप्लेज
- |
- २०८१-०१-०५
- |
- 254 पटक हेरिएको
काठमाडौं । जारी शहिद स्मारक ‘सी’ डिभिजन लिगमा सानेपा क्लबले पहिलो जित हासिल गरेको छ।
बुधबार एन्फा मुख्यालय सातोबाटोमा सम्पन्न दिनको दोस्रो तथा अनितम खेलमा सानेपाले स्वयम्भु क्लबलाई २-१ ले पराजित गरेको हो।
सानेपाको जितमा पेमा दोर्जे लामा र निराजनजंग शाहीले एक एक गोल गरे। यता, स्वयम्भुका लागि सुग्रित मगरले सान्त्वना गोल गरे।
यो जितसँगै सानेपालले जारी सिजन ३ खेलमा ४ अंक जोडेको छ। यता, पराजित स्यम्भुको भने समान खेलबाट १ अंक मात्रै रहेको छ।
खेलको पाँचौं मिनेटमै पेमाले गोल गर्दै सानेपालाई शुरूआती अग्रता लिएको थियो। पहिलो हाफभरी एक शून्यको अग्रता बनाएको थियो।
तर, ४८औं मिनेटमा सुग्रितले गोल गर्दै खेलमा स्वयम्भुलाई १-१ को बराबरीमा अबस्थामा ल्याए।
त्यसपछि खेल सकिन ४ मिनेट बाँकी छँदा निराजनले गोल गर्दै सानेपालाई २-१ को जित दिलाए।