युइएफए नेसन्स लिग फुटबलको समूह ए ग्रुप ४ मा बेल्जियमले वेल्सलाई पराजित गरेको छ ।

गयराति भएको खेलमा बेल्जियममले वेल्समाथि २–१ गोल अन्तरको  जीत दर्ता गरेको हो ।

घरेलु मैदानमा बेल्जिमयले १० औं मिनेटमा अग्रता लिएको थिाये ।

केभिन डी ब्रुइनको गोलमा अग्रता लिएको बेल्जिमले ३७ औं मिनेटमा अग्रता दोब्बर बनाएको थियो ।

३७ औं मिनेटमा मिची बाटस्वीले गोल गरेका थिए ।

पहिलो हाफमा २ गोल गरेको बेल्जिमयले दोस्रो हाफमा गोल थप गर्न नसके पनि १ गोल व्यहोर्दा नतिजा भने आफ्नै पक्षमा पार्न सफल भयो ।

५० औं मिनेटमा वेल्सका लागि किफर मोरले गोल गर्दै गोल अन्तर २–१ मा झारेपनि हार टार्न पर्याप्त भएन । 

यस्तै यही समूहमा रहेको नेदरल्याण्ड्सले पोल्याण्न्डमाथि २–० को सहज जित दर्ता गरेको छ ।

नेदरल्याण्ड्सको जीतमा मिचेस गापो र  स्टेभन विरवीनले एक एक गोल गरेका थिए ।

जितसँगै नेदरल्याण्ड्स ५ खेलबाट १३ अंकका साथ शीर्ष स्थानमा रहेको छ ।

यस्तै बेल्जियम १० अंकका साथ दोस्रो स्थानमा रहँदा पोल्याण्ड ४ अंकका साथ तेस्रो र वेल्सको १ अंकमात्रै रहेको छ ।