इंग्लिस प्रिमियर लिगकाे नयाँ सिजन सुरु भएकाे छ। गयराति पहिलाे खेलमा क्रिस्टल प्यालेस र आर्सनलकाे खेलसँगै नयाँ सिजन २०२२/२३ काे सिजनकाे सुरुआत भएकाे हाे।

पहिलाे खेलमा आर्सनलले विजयी सुरुआत गरेकाे छ। 

क्रिस्टल प्यालेसलाई आर्सनलले २-० गाेल अन्तरले पराजित गर्न सफल भयाे। आर्सनलको जितमा ग्याब्रिएल मार्टिनेलीले एक गोल गरे । यस्तै, घरेलु टोलीका मार्क गुएहिले आत्माघाती गोल गरेका थिए।

२०औं मिनेटमा मार्टिनेलीले गाेल गर्दै आर्सनललाई अग्रता दिलाएका थिए।

पहिलाे हाफमा १ गाेल गरेकाे आर्सनलले दाेस्राे हाफकाे अन्तिमतिर भने उपहार गाेल पाएकाे थियाे। क्रिष्टलका मार्क गुएहिले ८५ औं मिनेटमा आफ्नै पाेस्टमा गाेल गरेपछि आर्सनल २-० गाेल अन्तरले विजयी भयाे।

याे जीतपछि आर्सनलले पहिलो खेलबाट तीन अंक जोडेको छ। यस पटक युरोपका चर्चित खेलाडी अनुबन्ध गर्दै आर्सनलले प्रिमियर लिगमा टिम उतारेकाे छ।