Mega Bank

पदक जित्न नसकेकोमा माफी माग्दै पलेशाले भनिन्-'पाराका खेलाडीलाई पनि प्राथमिकतामा राख्नुपर्छ'

Kelme Nepal
  • नेप्लेज
  • |
  • २०७८-०५-२०
  • |
  • 204 पटक हेरिएको

हाइलाइट्स

  • उनले टोकियो पारालिम्पिकका लागि नेपालको तयारी नपुगेको हुनसक्ने बताइन । तर उनले यो पटकको सहभागितालाई राम्रो अनुभवका रुपमा लिएकी छिन । उनले भविष्यमा अझ राम्रो गर्ने बताइन ।

टोकियो पारालिम्पिकमा काश्यपदक जित्नबाट झिनो अन्तरले बञ्चित भएकी तेक्वान्दोकी पलेशा गावर्धनलाई नेपालमा स्वागत गरिएको छ । 

वाइल्डकार्डबाट टोकियो पारालिम्पिक खेल्न गएकी पलेशालाई त्रिभुवन विमानस्थलमा स्वागत गरिएको हो । विमानस्थलमा बोल्ने उनले पदक जित्न नसकेकोमा निकै दुःख लागेको बताइन । उनले आफुले पदक जित्न नसकेकोमा सबैलाई माफीपनि मागेकी छिन । 

यस्तै उनले टोकियो पारालिम्पिकका लागि नेपालको तयारी नपुगेको हुनसक्ने बताइन । तर उनले यो पटकको सहभागितालाई राम्रो अनुभवका रुपमा लिएकी छिन । उनले भविष्यमा अझ राम्रो गर्ने बताइन ।

अब पाराका खेलाडीहरुपनि अगाडी आउनुपर्ने धारणा राखिन । यसका साथै यो खेललाई पनि प्राथमिकतामा राख्नुपर्ने बेला आएको बताइन । 
पलेशासहित पूर्व ओलम्पियन दिपक बिष्ट र उनका प्रशिक्षकलाई फुलमाला सहित स्वागत गरिएको थियो । 

रिपिचेजको फाइनलमा चीनकी युजी लिसँग १२–९ ले पराजित हुँदै पलेशाले नेपालका लागि ऐतिसाहिक पदक दिलाउन असफल भएकी हुन् । 

पहिलो खेलमा बेलायतकी बेथ मुन्रोसँग २१–८ ले पराजित भएकी पलेशाले क्वार्टरफाइनलमा अमेरिकी खेलाडी ब्रियन्न सालिनारालाई १०–० ले हराएकी थिइन् ।

सेमिफाइनलमा सर्बियन खेलाडी मारिया मिसेभलाई पराजित गर्दै पलेशाले फाइनलसम्मको यात्रा तय गर्न सफल भएकी थिइन् । 

४४ क्याटागोरीको महिला ५८ केजीमुनि तौलसमुहमको रिपिचेजको फाइनलमा युजीसँग पराजित हुँदै उनी काश्य जित्नबाट बन्चित भएकी हुन् । 

उनलाई बिमानस्थलमा पारा तेक्वान्दो कमिटीका अध्यक्ष कसिम मिया, पलेशाको परिवारका सदस्य, राष्ट्रिय तेक्वान्दो खेलाडीहरुले स्वागत गरेका थिए । 

भर्खरै

Advertisement