काठमाडाैं मेयर कपमा राम्राे फर्ममा नदेखिएका पारस
- नेप्लेज
- |
- २०७७-११-२५
- |
- 256 पटक हेरिएको
नेपाल क्रिकेट संघ क्यानको आयोजनामा जारी काठमाडौं मेयर कप क्रिकेटमा ठूलो आशा गरेका खेलाडी हुन पारस खड्का ।
टिमका लागि उनको ब्याटबाट राम्रो अपेक्षा गरिएको थियो । तर उनी यो प्रतियोगितामा खासै जम्न सकेनन् । उनले तीन खेल खेल्दा मात्र ३९ रन बनाएका छन ।
बागमती प्रदेशबाट खेलिरहेका पारसले पहिलो खेलमा मुलपानीमा नेपाल पुलिस क्लवविरुद्ध खाता नै खोल्न सकेनन् । त्यसपछि मुलपानीमा नै भएको मेयर ११ विरुद्धको खेलमा पनि उनले मात्र १० रन बनाए ।
प्रतियोगिताको तेस्रो खेलमा उनले कीर्तिपुर मैदानमा एपीएफविरुद्ध २९ रन बनाए । जुन उनको यो प्रतियोगितामा सर्वाधिक स्कोर हो ।
यस्तै उनले यसअघिका दुई खेलमा एक खेलमा बलिङ गरेनन् भने अर्को खेलमा २७ रन खर्चिदा विकेट लिन सकेनन् ।
पारसको फर्मका कारणपनि बागमतीले गरेको आशा केहि भएपनि निराशामा परिणत भएको छ ।