भलिबलका पूर्व मुख्य प्रशिक्षक सुदेश रिमाल गम्भीर विरामी
- नेप्लेज
- |
- २०७७-०९-१०
- |
- 229 पटक हेरिएको
नेपाली राष्ट्रिय भलिबल टिमका पूर्व मुख्य प्रशिक्षक सुदेश रिमाल गम्भीर विरामी परेका छन् ।
ब्रेन ह्याम्रेज भएका उनलाई अहिले बाँसबारीस्थित न्यूरो हस्पिटलमा राखिएको छ ।
सोमबार दिउँसो विरामी भएका उनको स्वास्थ्यमा कुनै सुधार नआएको अस्पताल स्रोतले जनाएको छ । थप प्रोसेसका लागि उनका छोरा अस्ट्रेलियाबाट आउनका लागि कुरिरहेको जनाइएको छ ।
नेपाली भलिबलको पहिलो पुस्ताका खेलाडी रिमालले नेपाली टिमको प्रमुख प्रशिक्षकको रुपमा रहेर २०७३–२०७५ सम्म काम गरेका थिए । प्रमुख प्रशिक्षक रिमाल राष्ट्रिय खेलकुद परिषद(राखेप)काे उपनिर्देशकमा बढुवा भएपछि भलिबल छाडेर राखेप अन्तर्गत खेलकुद विज्ञान प्रतिष्ठानको निर्देशक हुन गएका थिए । सुदेश १३ औं सागकाे बेला बिच भलिबलकाे प्रशिक्षक भएर पनि काम गरेका थिए ।