नव बिहानी तेक्वान्दो बैशाख दोस्रो साता
- नेप्लेज
- |
- २०७४-१२-१४
- |
- 422 पटक हेरिएको
चैत १४, काठमाडौं ।नव बिहानी तेक्वान्दो डोजाङको आयोजनामा प्रथम नव विहानी उपत्यकाव्यापी तेक्वान्दो प्रतियोगिता बैशाख १४ गतेदेखि हुने भएको छ ।
प्रतियोगितामा विभिन्न ३० डोजाङका ४ सय ८० खेलाडीको सहभागिता रहने प्रतियोगिता संयोजक विमलकुमार आछामीले जनाएका छन् । पुम्सेसहित पुरुषमा १० र महिलामा ६ गरी जम्मा १६ स्पर्धामा प्रतिस्पर्धा हुनेछ ।
प्रतियोगिता सञ्चालन गर्न करिब ८ लाख ३२ हजार रुपैयाँ खर्च हुने आयोजकले जनाएको छ ।
दुईदिने प्रतियोगिताका खेलहरु इमाडोलको नयाँ बस्तीस्थित आयोजक डोजाङमै हुनेछ ।