स्टेफानो सितसिपास फ्रेन्च ओपनको सेमिफाइनलमा
- नेप्लेज
- |
- २०७८-०२-२६
- |
- 905 पटक हेरिएको
ग्रिकका खेलाडी स्टेफानो सितसिपास बर्षको दोस्रो ग्राण्डस्लाम टेनिस फ्रेन्च ओपनको सेमिफाइनलमा प्रवेश गरेका छन् ।
मंगलबार राति उनले रुसका ड्यानियल मेदभेटेवलाई पराजित गर्दै सेमिफाइनलमा स्थान पक्का गरेका हुन् । सितसिपास पाँचौं वरियता खेलाडी हुन् । उनले ६–३, ७–६ र ७–५ ले सेट आफ्नो पक्षमा पारेका थिए ।
लगातार तेस्रोपल्ट ग्राण्डस्लामको सेमिफाइनलमा पुगेका २२ वर्षीय सितसिपासले फाइनल प्रवेश गर्न छैटौं वरियताका जर्मन खेलाडी अलेक्जान्दर भेरेभसँग प्रतिस्पर्धा गर्नुपर्ने छ ।
स्पेनका अलेजान्द्रो डेभिटोभिचलाई ३–० को सहज सेटमा पराजित गरी भेरेभ करिअरमा पहिलोपल्ट ग्राण्डस्लामको सेमिफाइनलमा पुगेका छन् ।