नेपाललाई पराजित गर्दै यूएई एसीसी प्रिमियर कपको फाइनलमा
- नेप्लेज
- |
- २०८१-०१-०७
- |
- 426 पटक हेरिएको
काठमाडौँ। साविक विजेता नेपाललाई पराजित गर्दै यूएई एसीसी प्रिमियर कपको फाइनलमा पुगेको छ। शुक्रबार सम्पन्न खेलमा यूएईसँग नेपाल ६ विकेटले पराजित भएको हो।
जितका लागि १२० लक्ष्य पाएको यूएईले १७.२ ओभरमा ४ विकेट गुमाउँदै १२३ रन बनायो।
यूएईका अलिशान शराफुले अविजित रहँदै सर्वाधिक ५५ रन बनाए। ४१ बल खेलेका उनले ४ चौका र २ छक्का प्रहार गरे।
विष्णु सुकुमारन २८, सैय्यद हैदर १४ र मोहम्मद वासिम ११ रनमा आउट हुँदा आयान अफजल खान २ रनमा अविजित रहे।
नेपालका गुल्शनकुमार झाले सर्वाधिक २ विकेट लिए।
सोमपाल कामी र ललितनारायण राजवंशीको नाममा १/१ विकेट रह्यो।