बोरुसिया डर्टमुन्डले पीएसजीलाई हरायो
- नेप्लेज
- |
- २०८१-०१-२०
- |
- 667 पटक हेरिएको
युइएफए च्याम्पियन्स लिग अन्तर्गत सेमिफाइनलको पहिलो लेगमा जर्मन क्लब बोरुसिया डर्टमुन्डले अग्रता लिएको छ । बुधबार राति भएको खेलमा फ्रेन्च क्लब पेरिस सेन्ट जर्मेइनलाई १-० ले पराजित गरेको हो ।
डर्टमुन्डले पीएसजीमाथि जित निकाल्दा ३६ औं मिनेटमा गरेको गोल नै निर्णायक बन्न पुग्यो । उसका लागि निकलास फुलक्रुगले गोल गरेका थिए ।
निको श्लोटरबेकको पासमा गरेको गोलले अग्रता लिएको डर्टमुन्डले सोही अग्रता अन्तिमसम्म जोगाउँदै पहिलो लेगमा सफलता हात पारेको हो । दोस्रो लेग अर्को साता पीएसजीको मैदानमा हुने छ ।