काठमाडौं । पाकिस्तानको फोरटी वालेले पब्जी मोबाइल ग्लोबल ओपन साउथ एसियन च्याम्पियसिपको उपाधि जितेको छ ।
इस्पोर्ट्स संघ नेपाल (इशान) र पब्जी मोबाइलको आयोजनामा त्रिपुरेश्वरस्थित राष्ट्रिय खेलकुद परिषद् कभर्डहलमा सम्पन्न प्रतियोगितामा फोरटीले तीन चिकेन डिनरसहित २०९ अंक जोड्यो ।
फोरटीले पहिलो दिनदेखि नै अग्रता लिएको थियो । अन्तिम दिन शनिबार उत्कृष्ट प्रदर्शनका साथ नेपाली टोली टीटुकेले दोस्रो स्थानमा रहेर प्रतियोगिताको अन्त्य गर्यो । टीटुकेले दुई चिकेन डिनसहित १८८ अंक जोड्यो । टिटुके तेस्रो दिनको समप्तीसम्ममा पाँचौँ स्थानमा थियो ।
अर्को नेपाली टोली होर इस्पोर्ट्स तेस्रो स्थानमा रह्यो । होरले तीन चिकेन डिनरसहित १७५ अंक जोड्यो । शुक्रबारसम्म होरा दोस्रो स्थानमा थियो ।
शीर्ष तीन टोलीले पब्जी मोबाइल ग्लोबल ओपन सिजन–२ को मुख्य प्रतियोगितामा स्थान पक्का गरेका छन् ।
प्रतियोगिताको विजेता फोरटीले ९ हजार, उपविजेता टीटुकेले ५ हजार ५०० र तेस्रो भएको होरले ४ हजार ५०० अमेरिकी डलर प्राप्त गरे । प्रतियोगितामा दक्षिण एसियाका १६ पब्जी टिमले प्रतिस्पर्धा गरेका थिए ।
प्रतियोगितामा नेपालबाट चार, पाकिस्तानबाट आठ र बंगलादेशबाट चार गरी १६ टिम सहभागी थिए ।
