नेपाल सरकारको मन्त्रीपरिषद्बारा अघिल्लो साता मनोनित भएको राष्ट्रिय खेलकुद परिषद्का सदस्यले भोली औपचारिक रुपमा सपथ लिने भएका छन ।

भदौ २९ गते मन्त्रीपरिषद्को बैठकले मनोनित गरेका ११ जना सदस्यलाई भोली सपथ लिने भएका छन ।

सोमबार दिउँसो दुई बजे नौ जनालाई सपथ खुवाउने कार्यक्रम रहेको परिषद्का प्रवक्ता कुलबहादुर थापाले बताए । उनीहरूकाे सपथ राष्ट्रिय खेलकुद परिषद्मा हुनेछ ।

राखेपको बोर्ड सदस्यमा हरी खड्का, मानदेव हजारा, पुरेन्द्र लाखे, राजेश गुरुङ, मोहमद सागिर शेख, नन्दा बस्याल, एकेन्द्र कुँवर, चन्द्रबन्दना राई, सुमित्रा चौधरीलाई मनोनित गरेका थिए ।

यस्तै परिषद् अध्यक्षको रुपमा खेलकुद मन्त्री जगत विश्वकर्माले खेलकुद संघको सिफारिसमा रेनुका श्रेष्ठ र सुवर्णा श्रेष्ठलाई नियुक्त गरेका थिए ।