घरेलु फुटबलमा दुई ठूला क्लवबीच खेलमा तिब्र प्रतिस्पर्धा हुनु स्वभाविक हो, तर जब स्टार खेलाडी त्यसमा पनि बलिया क्लवका खेलाडीले आफ्ना अनुशासन गुमाउछन, तब खेलभावना विपरित उनीहरु झगडामा उत्रन्छन् ।

ए डिभिजन लिग अन्तर्गत मनाङ मस्र्याङदी र मच्छिन्द्र क्लव विचको खेलमा पनि यस्तै भयो । पुरै ९० मिनेट गोलका लागि प्रतिस्पर्धा गरिरहेका दुई टिमका खेलाडी खेल सकिएपछि साच्चिकै झगडामा उत्रिए ।

अष्ट्रेलियामा बस्दै आएका राष्ट्रिय टिमका पूर्व सदस्य जगजित श्रेष्ठले मच्छिन्द्रका दिपक राईलाई मुख छाडे । त्यसपछि सुरु भयो झगडा । जुन साम्यपार्न पुलिस नै मैदानमा छिर्नुपरेको थियो । जसमा मनाङ र मच्छिन्द्रका खेलाडीहरु मुछिए । म्याच रेफ्रि श्रवणकुमार तामाङलाई पनि अचानक उब्जिएको झगडाले अचम्ममा परे ।

उनी आफैले सो झगडा साम्यपार्न निकै कठिन थियो । त्यसपछि बेञ्चमा रहेका मनाङका रञ्जन विष्ठ र मच्छिन्द्रका विजय धिमाल पनि मैदान छिरेर झगडामा संलग्न भएका थिए। रेफ्रीले झगडामा संलग्न मनाङका रञ्जनलाई रातो कार्ड दिए। त्यसैले झगडालाई साम्य पार्न एकदर्जन पुलिस मैदानमा पुगेका थिए । यतिमात्र होइन क्लवका पदाधिकारी र एन्फा अफिसियलपनि झगडालाई साम्य पार्न लगोका थिए ।

केहि बेरको अशान्त वातावरणपछि झगडा त शान्त भयो, तर जुन हरकत खेलाडीले मैदानमा देखाए, त्यसले अनुशासनमा भने ठुलो प्रश्न उठाएको छ । जगजित श्रेष्ठ राष्ट्रिय टिममा हुँदापनि अलि सन्काहा प्रवृतीका खेलाडी भन्ने गरिन्थ्यो । अचानक रिसाउने उनको बानीले टिमका सदस्यपनि उनलाई सम्झाउने गर्थे । आज उनकै कारणले झगडा सिर्जन भएको बिपक्षी खेलाडीको भनाई छ ।

अब यो घटनाले अखिल नेपाल फुटबल संघ एन्फाले कुन रुपमा लिन्छ, त्यो हेर्न बाँकी छ । दुई टिमका खेलाडीको ब्यक्तिगत इगोका कारण यो घटना भएको भनाई क्लवका पदाधिकारीको छ । यसै सिजन मनाङबाट ६ जना खेलाडी मच्छिन्द्रमा गएका थिए । जसको रिस मनाङका खेलाडीलाई परेको हुन सक्छ ।
हेराै भिडियाेमा