१३ औं साग : महिला भलिबलको फाइनलमा पुग्यो भारत
- नेप्लेज
- |
- २०७६-०८-१४
- |
- 180 पटक हेरिएको
काठमाडौं, १४ मंसिर । काठमाडौंमा जारी १३ औं दक्षिण एसियाली खेलकुद प्रतियोगिता अन्तर्गत महिला भलिबलमा भारत फाइनलमा प्रवेश गरेको छ । स्वर्ण पदकका लागि भारतले नेपाल र श्रीलंकाबीचको विजेतासँग प्रतिस्पर्धा गर्ने छ ।
भारतले पहिलो सेमिफाइनलमा माल्दिभ्सलाई ३–० को सोझो सेटमा पराजित गर्दै फाइनलमा स्थान बनाएको हो । लगातार दुई सेट सहजरुपमा जितेको भारतलाई तेस्रो सेटमा माल्दिभ्सले कडा टक्कर दिएको थियो ।
पहिलो सेटको शुरुमा दुई टिमकाबीचमा प्रतिस्पर्धा देखिए पनि पछि भारत पुरै हावी भयो । भारतले माल्दिभ्सलाई पहिलो सेटमा २५–१४ ले पछि पारेको हो । दोस्रो सेटमा पनि भारतले एकतर्फी अंक बटुलेको थियो ।
फलस्वरुप माल्दिभ्स ६ अंकमा रोकिदा भारतले २५ अंक पुर्याएको थियो । यसैगरी तेस्रो सेटमा शुरुदेखि भने माल्दिभ्स हावी भएको थियो । १४–१४ स्कोरसम्म बराबरी रुपमा अघि बढे पनि भारतले त्यसपछि प्वाइन्ट तान्दै भारत अघि बढेको थियो । अन्त्यमा भारत २५–१७ ले विजयी हुँदै सागको फाइनलमा प्रवेश गरेको हो ।