साग महिला भलिबलः नेपाल सेमिफाइनलमा, श्रीलंका र माल्दिभ्स मध्ये एकसँग खेल्ने
- नेप्लेज
- |
- २०७६-०८-१३
- |
- 190 पटक हेरिएको
नेपाली महिला भलिबल टिम १३ औं दक्षिण एसियाली खेलकुद प्रतियोगिताकाे सेमिफाइनलमा प्रवेश गरेको छ ।
त्रिपुरेश्वरस्थित राखेप कभर्ड हलमा शुक्रबार भएको समूह चरणकाे खेलमा भारतले बंगलादेशलाई ३-० को सोझो सेटमा पराजित गरेपछि महिला टिम सेमिफाइनलमा प्रवेश गरेकाे हाे ।
लगातार २ खेलमा जित निकाल्दै भारत समूह ए बाट समुह बिजेताका रूपमा अन्तिम चारमा पुग्याे भने नेपाल उपविजेताका रूपमा सेमिफाइनलमा स्थान बनायाे ।
प्रतियाेगितामा दुबै खेलमा हार ब्यहाेरेकाे बंगलादेश भने बाहिरीएकाे छ । समुहकाे पहिलाे खेलमा नेपालले बंगलादेशमाथि तीन शुन्यकाे साेझाे सेटमा हराएकाे थियाे भने भारतसँग तीन शुन्यले नै पराजित भएकाे थियाे । अब नेपालले सेमिफाइनलमा समुह बी काे विजेतासँग खेल्नेछ । जसमा नेपालले श्रीलंका र माल्दिभ्समध्ये एक टिमलाई प्रतिद्वन्दी पाउनेछ ।