मिडफिल्डर जगजीत अष्ट्रेलियाको प्रेस्टन लायन्स क्लबमा अनुबन्ध
- नेप्लेज
- |
- २०७४-१२-०७
- |
- 152 पटक हेरिएको
चैत्र ७ । नेपाली राष्ट्रिय फुटबल टिमका मिडफिल्डर जगजीत श्रेष्ठ अष्ट्रेलियाको प्रेस्टन लायन्स क्लबमा अनुबन्ध भएका छन् ।
मेलबर्नस्थित भिक्टोरिया स्टेट लिग डिभिजन-१ को क्लब प्रेस्टन लायन्ससँग जगजीतले १ वर्षका लागि सम्झौता गरेका छन् ।
यस अघि जगजीत नुनावाडिङ सिटी फुटबल क्लबबाट खेलेका थिए । लामो समय देखि अष्ट्रेलियामा बसिरहेका जगजीत केहि साता अगाडी राष्ट्रिय टिमका लागि नेपाल आएका थिए ।
प्रेस्टन आफ्नो लिगमा सर्वाधिक सफल क्लबमध्ये एक हो । प्रेस्टनले स्टेट लिग डिभिजन-१ को उपाधि ४ पटक जितेको छ ।
२०१७ मा प्रेस्टन लायन्स लिगमा चौथो स्थानमा उभिएको थियो भने त्यसअघि २०१६ मा दोस्रो स्थान हांसिल गरेको थियो ।