नेपालले एकदिवशीय मान्यता पाएमा के फाइदा हुन्छ ?
- नेप्लेज
- |
- २०७४-११-२९
- |
- 238 पटक हेरिएको
फागनु २९ । आईसीसी एकदिवशीय विश्वकप छनोटको सुपरसिक्समा पुग्न नसकेको नेपाली क्रिकेट टिमलाई एकदिवशीय मान्यता पाउने सम्भावना भने अझै जीवितै छ । तर, त्यसका लागि नेपाललाई २ वटा मौका छ, दुवैमा नेपाल खराे उत्रनु जरूरी पनि छ ।
आफ्नो समूहको चौथो स्थानमा रहेको नेपालले प्लेअफमा अब पपुवा न्यूगिनीसँग खेल्नेछ । यता समुह ए को चौथो स्थानमा रहेको नेदरल्याण्ड्सले हङकङसँग प्रतिस्पर्धा गर्नेछ ।
यदि नेपालले पपुवा न्यूगिनीलाई हराएमा र नेदरल्याण्ड्सले हङकङलाई पराजित गरेमा नेपालले चार बर्षका लागि एकदिवशीय मान्यता पाउनेछ ।
तर नेपाल पराजित भएमा त्यो सम्भावना समाप्त हुनेछ । यदि नेपाल विजयी भएमा र अर्को खेलमा हङकङले नेदरल्याण्ड्सलाई हराएमा सातौं स्थानको प्लेअफका लागि नेपाल र हङकङ खेल्नेछन् । त्यस खेलमा विजयी हुने टिमले एकदिवशीय मान्यता पाउनेछ ।
एकदिवशीय मान्यता पाएमा के फाइदा हुन्छ ?
क्रिकेटमा अहिले १२ वटा टेष्टसँगै नेदरल्याण्डस्सँग एक दिवसिय मान्यता छ । विश्वकप छनोटमा पुछारमा रहे पनि नेदरल्याण्ड्सले विश्व क्रिकेट लिग च्याम्पियनसिप विजेताको नाताले एकदिवशीय मान्यता कायमै राख्नेछ ।
त्यसबाहेक सुपरसिक्समा पुगेका स्कटल्याण्ड र युएईसँग अब एकदिवशीय मान्यता हुनेछ । जसमा अहिले कुल १५ टिमसँग एकदिवशीय मान्यता छ । नेपाल, हङकङ र पपुवा न्युगिनीबीच प्रतिस्पर्धा एकदिवशीय मान्यता पाउने १६औं टिमका लागि हाे ।
नेपालले एकदिवशीय मान्यता पाएपछि हुने फाइदाहरू यसप्रकार छन्
१. यदि नेपालले एकदिवशीय मान्यता पाएमा पहिलो फाइदा नेपाल आइसीसीको एकदिवशीय बरियतामा समावेश हुनेछ ।
२. साथै नेपालका खेलाडीहरु पनि एकदिवशीय बरियतामा समावेश हुनेछन ।
३. एकदिवशीय मान्यता पाएका देशहरुबीच आर्इसीसीले त्रिकोणात्मक वा अन्तर्राष्ट्रिय सिरीज राख्न सक्छ ।
४. यस्तै आर्इसीसीसँग सहकार्य गरेर आफैंले पनि एकदिवशीय श्रृखंलाको आयोजना गर्न सक्छ । तर नेपालमा क्रिकेटको आधिकारीक निकाय नहुँदा तत्कालका लागि केहि कठिन भने हुनेछ ।
५. एकदिवशीय मान्यता पाएपछि नेपालले इन्टरकन्टिनेन्टल खेल जुन चार दिवशीयको हुन गर्छ, त्यो खेल्न पाउनेछ ।
६. आर्इसीसीबाट आउने अनुदानमा पनि निकै बृद्धी हुनेछ । जसमा खेलाडीको म्याच फी, खेलाडीको सुविधामा पनि बृद्धि हुनेछ ।
७. एकदिवशीय मान्यता पाएका देशले आयोजना गरेका घरेलु लिगको मापदण्ड पूरा भएमा आइसीसीले लिष्ट ए को मान्यता पनि दिन सक्छ ।
८. योसँगै एकदिवशीय मान्यता पाएमा टि-ट्वान्टी मान्यता पनि स्वतः पाइन्छ ।