काठमाडौं, २७ चैत । प्रदेश पाँचमा आयोजना हुन लागेको आठौं राष्ट्रिय खेलकूदका केही खेलहरु बुधबारदेखि शुरु हुँदैछन् ।

प्रतियोगितामा सहभागीता गराइएका ३५ खेल मध्य ५ वटा खेल हुनेछन् ।

आठौं राष्ट्रिय खेलकूदमा ७ प्रदेश, ३ विभागीय र एउटा एनआरएनए गरि ११ टिमले प्रतिस्पर्धा गर्ने छन् । आठौंको उद्घाटन पाँच गते नेपालगञ्जमा राष्ट्रपति विद्यादेवी भण्डारीले उद्घाटन गर्ने जनाइएको छ । पाँच गते नेपालगञ्ज रंगशालामा पुग्ने गरि शुक्रबारदेखि ओलम्पिक टर्च पुर्याइने भएको छ ।

राष्ट्रिय तथा अन्तर्राष्ट्रिय खेलाडी संघको संयोजनमा ओलम्पियनहरुले यसअघि सातौं राष्ट्रिय खेलकूदको उद्घाटनस्थलबाट लिएर टर्च नेपालगञ्ज पुर्याउने छन् । टर्च जितबहादुर केसी, हरिबहादुर रोकाया, सुरेन्द्र हमाल, पुष्पराज ओझा, डम्बर कुवर, दीपक विष्ट, विष्णुबहादुर सिंह, डम्बरदत्त भट्ट, संगिना बैद्य, विमला रानामगर, पार्वती थापा, मेनुका रावत, अनिता श्रेष्ठ र कमलबहादुर अधिकारीले बोक्ने छन् । शुक्रबार विराटनगरबाट शुरुहुने टर्च र्याली बैशाख ५ गते विभिन्न प्रदेशको भ्रमण गरि पुग्ने छ ।

२९ गते शुक्रबार विराटनगरबाट प्रस्थान गर्ने टर्च ¥याली, धनुषा, हेटौडा, चितवन हुँदै ३० गते पोखरा पुग्ने छ । वैशाख १ गते पोखराबाट टर्च र्याली सोही दिन लुम्बिनी पुग्ने छ । २ गते लुम्बिनीमा दीप प्रज्जवलन गरि सोही दिन प्रदेश ६ को सुर्खेत पुग्ने लक्ष्य लिइएको छ । ३ गते धनगढी पुगेर ४ गते नेपालगञ्ज टर्च पुर्याउन लक्ष्य लिइएको छ । प्रतियोगिताको उद्घाटन हुने पाँच गते नेपालगञ्जमा नगरपरिक्रमा गरि टर्च लाइट प्रतियोगिताको उदघाटनस्थल नेपालगञ्ज रंगशाला पुर्याइने छ ।