अफगानिस्तान यू-१९ विश्वकपकाे सेमिफाइनलमा
- नेप्लेज
- |
- २०७४-१०-११
- |
- 219 पटक हेरिएको
माघ ११, न्युजिल्याण्ड । न्युजिल्याण्डलार्इ हराउँदै अफगानिस्तान यू-१९ विश्वकप क्रिकेटको सेमिफाइलनमा प्रवेश गरेको छ ।
न्युजिल्याण्डको क्राइस्टचर्चमा भएको खेलमा अफगानिस्तानले घरेलु टिमलाइ २०२ रनको भारी अन्तरले हरायो । टस जितेर पहिले ब्याटिङ गरेको अफगानिस्तानले ५० ओभरमा ६ विकेट गुमाउदै ३०९ रन बनायो ।
अफगानिस्तानका लागि रहमनउल्लाह गुरवाजले ६९ तथा इब्राहिम जार्दनले ६८ रनको योगदान गरे । पहिलो विकेटका लागि यी दुई खेलाडीले एक सय १७ रनको साझेदारी गरेका थिए । यस्तै बाहिर शाहले ६७ तथा अज्मातुल्लाह ओमारजाइले ६६ रन जोडे ।
जवाफमा न्युजिल्याण्ड २८ ओभर एक बलमा मात्र १०७ रनमा अलआउट भयो । उसका चार खेलाडीले मात्र दोहोरो अंक छुन सके । जसमा केटेनी क्लार्सले ३८ र डेली फिलिप्सले ३१ रन बनाउनु बाहेका बाकि खेलाडी सस्तैमा आउट भए ।
न्युजिल्याण्डलाई कम स्कोरमा रोक्न अफगानि बलर मुजिव र क्वेइस अहमदले चार चार विकेट लिए ।