मुख्यमन्त्री कप ब्याटमिन्टन प्रतियोगिताः यु–१९ मा रोशन र बिस्ना तथा यु–१५ मा पारस र रन्जु च्याम्पियन

Kelmi
CG
  • नेप्लेज
  • |
  • २०७९-०३-१८
  • |
  • 247 पटक हेरिएको

मुख्यमन्त्री कप सुदूरपश्चिम प्रदेश ब्याटमिन्टन प्रतियोगिता धनगढीमा सम्पन्न भएको छ । सुदूरपश्चिम प्रदेश खेलकुद परिषद्को आयोजनामा तीन दिने मुख्यमन्त्री कप सुदूरपश्चिम प्रदेश ब्याटमिन्टन प्रतियोगिता धनगढीमा सकिएको हो । 

सुदूरपश्चिम प्रदेश ब्याटमिन्टन संघको व्यवस्थापनमा भएको प्रतियोगिताको सुदूरपश्चिम प्रदेशका सामाजिक राज्यमन्त्रस् टेकवहादुर रैकाले समापन गरे । सुदूरपश्चिम प्रदेश खेलकुद परिषदका सदस्य सचिव दिपकवहादुर सिंहको अध्यक्षतामा भएको समापन कार्यक्रम सुदूरपश्चिम प्रदेश ब्याटमिन्टन संघका सचिव सुनिल श्रेष्ठले सञ्चालन गरेका थिए । 

प्रतियोगितामा दुई उमेरका चार विधामा प्रतिस्पर्धा भएको छ । १९ बर्षमुनिको प्रतिस्पर्धामा पुरुषतर्फ रोशन साउँद र महिलातर्फ विस्ना विष्ट च्याम्पीयन भएका छन् । धनगढी रंगशालामा शनिबार भएको पुरुषतर्फको फाईनलमा कैलालीका रोशनले कैलालीकै चन्द्रिका कठरियालाई २१–१३ र २१–१५ को सेटमा हराए । महिलातर्फ कञ्चनपुरकी बिस्ना कञ्चनपुरकै निलिमा महरालाई २१–१७ र २१–१३ ले हराउँदै च्याम्पीयन भईन् । १५ बर्षमुनिको प्रतिस्पर्धामा पारस उपाध्याय र रञ्जु राना च्याम्पीयन भईन् । 

पुरुषतर्फ कैलालीका पारसले कैलालीकै सिसिर रानालाई २१–१३ र २१–१० ले हराए । महिलातर्फ कैलालीकी रञ्जुले बैतडीकी समीक्षा बिष्टलाई २१–१७ र २३–२१ ले हराईन् । 

दुबै उमेर समुहका महिला तथा पुरुष विधाका च्याम्पीयन भएका खेलाडीहरुले नगद १५ हजार प्राप्त गरे । त्यस्तै उपविजेत बनेका खेलाडीहरुले नगद १० हजार पाउँदा सेमिफाईनल पुग्न सफल खेलाडीहरुले पाँच पाँच हजार नगद प्राप्त गरे । 

नौ वटै जिल्लाका चार जना महिला र चार जना पुरुष खेलाडी र एक जना व्यवस्थापक गरी ७२ जना खेलाडी तथा ९ जना व्यवस्थापक सहभागी रहेका छन् । प्रतियोगितामा १९ बर्षमुनि र १५ बर्षमुनिका महिला तथा पुरुष गरी चार विधामा प्रतिस्पर्धा भएकाे छ । 

प्रतियोगिताको पहिलो दिन दुबै उमेर समुहका चार वटै विधाका प्रिक्वाटरफाईनलदेखि क्वाटरफाईनलसम्मका प्रतिस्पर्धा भएका छन् । प्रतियोगिताको दोस्रो दिन दुबै उमेर समुहका क्वाटरफाईनल तथा सेमिफाईनलका खेलहरु आयोजना हुने आयोजकले जनाएको छ । 

 

यो खबर पढेर तपाईलाई कस्तो महसुस भयो ?

भर्खरै

Advertisement

Roadmap

Advertisement

Nepal Telecom Authority