बार्सिलाेनालाई प्रि सिजनमा पहिलाे टिमका खेलाडीकाे अभाव, ९ जना 'बी' टिमबाट
- नेप्लेज
- |
- २०७८-०३-२६
- |
- 1549 पटक हेरिएको
हाइलाइट्स
जारी युरोकप, कोपा अमेरीका र ओलम्पिक गेम्सका कारण बार्सिलोनाबाट खेल्ने ११ पहिलो टिमका खेलाडी अहिले बाहिर छन । जसका कारण प्रशिक्षक रोनाल्ड कोमनले नौ जना खेलाडी 'बी' टिमबाट बोलाएका छन ।
नयाँ सिजन अगाडी बार्सिलोनाले शनिबारबाट प्रि सिजनको खेल खेल्दैछ । तर बार्सिलोनाका लागि प्रि सिजन टुर समस्याबाट नै सुरु भएको छ । उसका पहिलो रोजाईका खेलाडी नहुँदा नौ खेलाडी बी टिमबाट राखिएको छ ।
जारी युरोकप, कोपा अमेरीका र ओलम्पिक गेम्सका कारण बार्सिलोनाबाट खेल्ने ११ पहिलो टिमका खेलाडी अहिले बाहिर छन । जसका कारण प्रशिक्षक रोनाल्ड कोमनले नौ जना खेलाडी 'बी' टिमबाट बोलाएका छन ।
कोमनले स्टेगेन, सेरगिनो डेस्ट, जेरार्ड पिके, मिरालेम जानिक, ओस्माने डेम्बेले, रिक्वि पुइग, फिलिप कोउन्टिनो, सेर्गि रोबेर्टो, अंशु फाती र सामुइल उम्टिटी पहिलो टिमका खेलाडी राखेका छन ।
बाँकी नौ खेलाडी बी टिमबाट राखेका छन । यो टुरमा बी टिमका खेलाडीले आफ्नो क्षमता देखाउने मौका रहेको छ । प्रि सिजनमा लाइज मोरीबालाई राखिएको छैन ।
प्रि सिजनका लागि टिममा राखिएका पहिलो टिमका खेलाडीमा पनि स्टेगेन, डेम्बेले, कोउन्टिन्हो, फाती अझैपनि चोटग्रस्त रहेका छन । जसका कारण उसलाई प्रि सिजनमा समस्या देखिएको छ ।