इन्डियन प्रिमियर लिगमा रोयल च्यालेञ्जर्स बैंग्लोरले दोस्रो हार ब्यहोरेको छ । आज भएको खेलमा बैंग्लोर पञ्जाव किंग्ससँग ३४ रनले पराजित भयो । जारी प्रतियोगितामा पञ्जावको यो तेस्रो जित हो ।

अहमदाबादमा टस हारेर पहिले ब्याटिङ गरेको पन्जाबले २० ओभरमा ५ विकेट गुमाएर १ सय ७९ रन बनायो ।

बैंगलोरका केली जेमिसनले २ विकेट लिए । डानिल साम्स, युजभेन्द्र चाहल र सहबाज अहमेदले १-१ विकेट लिए ।

जवाफमा विराट कोहलीको टिम बैंग्लोर २० ओभरमा आठ विकेट गुमाउँदा एक सय रनमा रोकियो । उसका चार खेलाडीले मात्र दोहोरो अंक जोड्न सके । जसमा कप्तान कोहलीले ३५ रन बनाउँदा रजत पटिदरले ३१ रनको योगदान गरे ।

उसका देभदत्त पडिक्कल मात्र सात रनमा आउट भए भने ग्लेन म्याक्सवेलले खाता खोल्न सकेनन् । यस्तै एवी डिभिलियर्सले तीन रन मात्र बनाए । उसका सहबाज अहमदपनि आठ रनमा आउट भए भने डानीयल साम्सले तीन रन बनाए ।

अन्तिममा हर्षल पटेलले ३१ रन बनाए भने केली जेमिसनले १६ रन बनाएपनि टिमलाई हारबाट बचाउन सकेनन् ।

बलिङमा हरप्रित बररले तीन तथा रभी विश्नोइले दुई विकेट लिए । यो हारपछि बैंग्लोरले शिर्ष स्थानमा उक्लने मौका गुमाएको छ । उसको सात खेलमा १० अंक छ । पञ्जावको सात खेलमा ६ अंक भएको छ ।