‘म दुखी र निराश छु, हामीले सुपर लिगबारे बुझाउन सकेनौँ’–पेरेज
- नेप्लेज
- |
- २०७८-०१-०९
- |
- 601 पटक हेरिएको
नेप्लेज,बुधबार राती सुपर लिगमा आबद्ध भएका १० टिमले आफुहरु यसबाट बाहिरिएको घोषणा गरे ।
युरोपका शिर्ष १२ टिमले आइतबार नयाँ लिगको रुपमा युरोपियन सुपर लिगलाई स्वागत गरेका थिए तर युइएफए र फिफाको कडा चेतावनी र समर्थकहरुको बिरोधले सबै क्लबले समर्थन फिर्ता लिए ।
‘युरोपियन सुपर लिग’ का मुख्य योजनाकारको रुपमा रहेका रियल मड्रिडका अध्यक्ष फ्लोरेन्टिनो पेरेजले बिहिबार स्पेनिश रेडियोमा सुपर लिगबारे बोलेका छन् । पेरेजले सुपर लिगको कुराले आफु निराश र दुखी रहेको प्रतिक्रिया दिएका थिए ।
‘म थोरै दुखी र निराश छु किनकी सायद हामीले सुपर लिगलाई राम्रोसँग वर्णन गर्न सकेनौँ’ पेरेजले भने ।
‘च्याम्पियन्स लिगको फम्र्याट पुरानो भैसक्यो,यो फम्र्याटले अबको यात्रा गर्न सकिदैन र युरोपका शिर्ष क्लबहरुले सिजनको शुरुदेखि नै प्रतिश्पर्धा गर्ने सोचले हामीले लिगको योजना गरेका थियौँ’ पेरेजले भने ।