पावर लिफ्टिङका विश्व च्याम्पियन रुप कार्कीको निधन
- नेप्लेज
- |
- २०७७-१०-०९
- |
- 170 पटक हेरिएको
नेप्लेज । अन्तर्राष्ट्रिय पावर लिफ्टिङ खेलाडी रुप कार्कीको ५२ वर्षको उमेरमा निधन भएको छ । अमेरिकामा बस्दै आएका कार्की केहि समयअघि नेपाल आएका थिए ।
बुटवलस्थित आफ्नै निवासमा हृदयघात भएपछि थप उपचारका लागि काठमाडौं ल्याउँदै गर्दा कार्कीको बाटोमै निधन भएको हो ।
बाग्लुङ गलकोटमा जन्मिएका कार्कीको परिवार पछि बुटवल झरेको हो । उनी भने झण्डै २ दशकदेखि अमेरिकाको भर्जिनियामा बसिरहेका थिए ।
कार्की सन् २००९ देखि पावर लिफ्टिङ (भारत्तोलक) खेलमा लागेका हुन् । त्यसअघि उनले नेपालमा खेलकुदका कुनै पनि प्रतियोगितामा सहभागिता भएको जानकारी नरहेको नेपाल भारत्तोलन संघले जनाएको छ ।
सन् २०१२ देखि व्यवसायिक पावर लिफ्टिङ सुरु गरेका कार्कीले सन् २०१७ र २०१९ मा गरी दुईपल्ट अन्तर्राष्ट्रिय पावर लिफ्टिङ प्रतियोगितामा आफ्नो तौलसमूहमा स्वर्ण जितेका थिए ।
पछिल्लो समय उनी नेपालका बिभिन्न शहरमा पावर लिफ्टिङसम्बन्धी प्रशिक्षण दिँदै आइरहेको थियो । त्यसैले उनको नेपाल आउजाउ पनि बाक्लिएको थियो ।