नेपाली खेलकुद निकायको अभिभावकत्व गर्ने निकाय राष्ट्रिय खेलकुद परिषद्को नयाँ सदस्य सचिवका रुपमा रमेश सिलवाल फेरी दोहोरीका छन भने उनीसँगै उपाध्यक्षमा शिब कोइराला (ज्वाला) पनि परिषद्मा आएका छन । एक नेकपाको केपी ओली खेमाका हुन भने अर्का प्रचण्ड खेमाका । शक्ति सन्तुलनका लागि परिषद्मा सदस्य सचिव र उपाध्यक्षलाई नयाँ जिम्मेवारी दिइएको छ ।

अब प्रसंग, पदवहालीको, युवा तथा खेलकुद मन्त्रालयमा सपथ ग्रहर गरेर नियुक्ति पत्र हात पारेपछि त्रिपुरेश्वर स्थित दशरथ रंगशालामा पुगे । सदस्य सचिव र उपाध्यक्ष पुग्नु भन्दा अगाडी नै परिषद्मा निकै भिड जम्मा भइसकेको थियो । परिषद्का कर्मचारी विभिन्न खेलकुद संघका पदाधिकारीको जमघट र समुहमा विभिन्न कुराहरु भइरहेका थिए ।

परिषद्मा निकै कम देखिने ब्यक्तिहरु पनि उनीहरुको स्वागतमा परिषद् प्रांगरमा पुगेका थिए । यस्तैमा उनीहरु परिषद्को हातामा प्रवेश गरेपछि फुलमाला लगाउने, खादा ओडाउनेको भिड नै लाग्यो । त्यसपछि यो कार्यक्रम औपचारिकतामा परिणत भयो ।

नवनियुक्त उपाध्यक्षले स्टेजमा आएर आफ्नो भनाई राखे । उनले गुणात्मक रुपमा खेलकुदको विकाश गर्न आवश्यक रहेको औल्याए । उनले खेलकुदसँग जोडिएका सबै काममा सहकार्य गर्न तयार रहेको बताए भने सामुहिक नेतृत्वबाट आगामी यात्रा अघि बढाउन इच्छुक रहेको बताए ।
उनको मन्तब्यपछि पालो आयो सदस्य सचिव सिलवालको उनले खेलकुदमा यसअघि बाँकी रहेका कामहरुलाई पुरा गर्ने देखि खेलकुदमा सुशासन, पारदर्शिताको पक्षमा आफु उभिने बताए । उनले सबैका माझ आफु पैशा कमाउन नआएको र भ्रष्टाचार आफ्नोबाट कहिले पनि नहुने उदृत गरे ।

यहिविचमा उनले खेलसँघलाई योजनाबद्द तरिकाले अगाडी बढाउने, राम्रोसँगलाई प्रोत्साहन र काम नगर्ने संघलाई कारवाहि गर्न पछि नहट्ने बताए । साथै उनले त्यहि बेला एउटै प्रक्रितिका दुई संघ भएमा उनीहरुलाई एकजुट गराउने समेत बताए ।

सिलवालले यसो भनिरहदा स्टेमा रहेका उपाध्यक्ष कोइराला भने गहन रुपमा टाउको हल्लाइरहेका थिए । कोईराला तिनै ब्यक्ति हुन, जसले अस्तित्वमा रहेको नेपाल तेक्वान्दो संघलाई विवादमा ल्याउनका लागि राष्ट्रिय तेक्वान्दो संघ गठन गरेर अध्यक्ष बनेका थिए । त्यहि संघको आडमा उनले केहि बर्ष खेलकुदमा रहे ।

तत्कालिन माओवादी पार्टिको आडमा उनले राष्ट्रिय तेक्वान्दो संघ गठन गरेका थिए । दुई समान अस्त्विका संघ हुँदा विभिन्न प्रतियोगिताका बेला सहभागितामा ठुलो अन्योल र विवाद भएको थियो । यतिसम्म की एशियाली खेलकुदमा नेपालबाट तेक्वान्दोले सहभागिता जनाउँदा दुई संघको कोटाका आधारमा खेलाडीले भाग लिन जानुपरेको थियो ।

जसका कारण राम्रा भन्दापनि हाम्रा खेलाडीले धेरै मौका पाएका थिए । नेपाल तेक्वान्दो संघ अन्तराष्ट्रिय मान्यता भन्ने र राष्ट्रिय तेक्वान्दो संघ राष्ट्रिय मान्यता भएको भनेर केहि बर्ष विवाद नै रह्यो । अहिलेपनि दुबै संघहरु मिल्न सकेका छैनन । दुबै संघलाई मिलाउनका लागि बारम्बार पर्यत्नपनि भएको थियो । तर सफल भएन ।

अब तिनै ब्यक्ति उपाध्यक्षमा आएका छन, र उनकै अगाडी सदस्य सचिवले त्यसो भनिरहँदा आगामी दिनमा तेक्वान्दोमा रहेको संघको अन्योलता के साम्य होला या शक्तिका आडमा फेरी आफ्नो पावरको प्रयोग गर्ने हुन त्यो भने हेर्न बाँकी छ ।