एभिसी सेन्ट्रल जोन वुमन्स भलिबल प्रतियोगितामा नेपालले आज अफगानिस्तानसँग खेल्नेछ।

बङ्गलादेशमा हुने अफगानिस्तानसँगको खेलमा नेपालकी मुख्य खेलाडी सरस्वती चौधरीलाई आराम दिइएको छ।

थाइल्याण्डमा भएको अभ्यासमा सरस्वतीको खुट्टामा चोट लागेको थियो । उपाधि दाबेदार मानिएको नेपालले अफगानिस्तानसँग जितको आशा गरेको छ ।

पहिलो दिन घरेलु टोली बंगलादेश र माल्दिभ्सले विजयी शुरुआत गरेका छन् ।
बंगलादेशले अफगानिस्तानलाई सहजै पराजित गर्दा माल्दिभ्सले कीर्गिस्तानलाई ३–२ को सेटमा पराजित गरेको थियो ।

नेपालले २ वर्ष पछि पहिलो अन्तर्राष्ट्रिय भलिबल प्रतियोगिता खेल्दै छ । यसअघि माल्दिभ्स र इरानसँग विश्व छनाेटकाे एशियन रिजनमा भिडेका थिए ।
नेपालले त्यतिबेला माल्दिभ्सलाई पराजित गरेको थियो भने इरानसँग पराजित भएको थियो । यो प्रतियोगितामा इरानको सहभागीता छैन् । सेन्ट्रल जोनमा नेपालसहित बंगलादेश, माल्दिभ्स, अफगानिस्तान र कीर्गिस्तान भिड्दै छन् ।