नालान्डा, स्किब्स र ग्रान्डलाई उपाधि
- नेप्लेज
- |
- २०७४-११-०९
- |
- 191 पटक हेरिएको
फागुन ९, काठमाडौं । आयोजक नालान्डा, स्किब्स र ग्रान्ड एकेडेमीले प्रथम नालान्डा कप थ्री बाइ थ्री बास्केटबल प्रतियोगिताको उपाधि जितेका छन् । नालान्डा सिनियर ब्वाइज, स्किब्स सिनियर गर्लस् र ग्रान्ड जुनियर ब्वाइजमा च्याम्पियन बने ।
बुधबार भएकाे सिनियर ब्वाइज फाइनलमा नालान्डाले होप भ्यालीलाई १७–१४ ले हरायाे ।
सिनियर गर्लस् फाइनलमा स्किब्सले ओलम्पियालाई १०–४ ले हरायो । जुनियर ब्वाइजको उपाधि भिडन्तमा ग्रान्डले होली भिजनलाई ८–३ ले पाखा लगायो ।
सिनियर ब्वाइजमा नालान्डाका सन्जोग थापा, स्किब्सकी देबुना केसी तथा जुनियर ब्वाइजमा ग्रान्डका अनिश श्रेष्ठ ‘मोस्ट भेलुएबल प्लेयर’ घोषित भए ।
विजेतालाई राष्ट्रिय बास्केटबल खेलाडी विक्रम जोशी र नालान्डाका प्रिन्सिपल नारायणप्रसाद राईले एक कार्यक्रमबीच पुरस्कृत गरे । सोमबारदेखि सुरु प्रतियोगिताको तीनै विधामा समान ८–८ टिमले लिग कम नकआउट आधारमा प्रतिस्पर्धा गरेका थिए ।