ड्याफोडिलले जित्याे बीअार्इबी इन्टरस्कुल बास्केटबल
- नेप्लेज
- |
- २०७५-०८-१९
- |
- 255 पटक हेरिएको
नेप्लेज । आयोजक बौद्ध इन्टरनेसनल स्कुललाई पराजित गर्दै ड्याफोडिल ‘ए’ ले तेश्रो बीआईबी अन्तरविद्यालय बास्केटबल प्रतियोगिताको छात्रतर्फकाे उपाधि जितेको छ ।
बुधबार भएकाे फाइनलमा ड्याफोडिलले आयोजकलाई आङ्ग फुर्वा शेर्पाको १९ अंक मद्धतले ४६-२५ अंकले जित निकालेको हो ।
छात्रातर्फ भने एचएचसीए बिजयी भयो । एचएचसीएले स्किब्सलाई ४६-२६ अंकले पराजित गर्दै ट्रफी उचालेको हो । एचएचसीएको लागि अनिता सुनुवारले २५ अंक जोडिन् ।
प्रतियोगिताको मोष्ट भ्यालुएबल प्लेयरमा छात्रतर्फ ड्याफोडिलका आङ्ग फुर्वा शेर्पा र छात्रातर्फ एचएचसीएकी श्रीजा भुजेल रहिन् ।
बिजयी टिम तथा खेलाडीलाई साउथ साईडर्स बास्केटबलका संस्थापक ऋषि रोवर्टचन र आयोजक स्कुलका प्रिन्सिपल हरि लामाले पुरस्कार वितरण गरेका थिए ।