डिभिजन २ मा नेपाल र केन्या भिड्दै
- नेप्लेज
- |
- २०७४-१०-२९
- |
- 191 पटक हेरिएको
आईसीसी विश्व क्रिकेट लिग डिभिजन–२ को चौथो खेलमा नेपालले केन्याको सामना गर्दैछ ।
पाँच पटक एक दिवसीय विश्व कप खेलेर एक पटक सेमिफाइनल सम्म पनि पुगिसकेको केन्या अहिले भने राम्रो लयमा छैन ।
विश्व क्रिकेट लिग च्याम्पियनसिपबाट नेपालसँगै रेलिगेट भएर केन्या डिभिजन–२ मा पुगेको हो ।
जारी प्रतियोगितामा २ खेल खेलिसकेको केन्या जीत विहिन अवस्थामा तालिकाको पुछारमा छ ।
पहिलो खेलमा केन्या युएईसँग २१८ रनको भारी अन्तरले पराजित हुँदा एक सय रन पनि पुरा गर्न सकेन । त्यस्तै नामिवियाविरुद्धको खेल भने बर्षाले प्रभावित भयो ।
केन्या तेस्रो खेल खेल्दैछ भने नेपाल आफ्नो चौथो खेल खेल्दैछ ।
विन्डहकमा हुने केन्या विरुद्धको खेलमा जित हात पार्न सकेको खण्डमा नेपालको विश्व कप छनोट खेल्ने सम्भावना थप मजबुत हुनेछ ।
तीन खेलबाट एकमा जित र एकमा हार ब्यहोरेको नेपाल ४ अंक सहित तालिकाको दोस्रो स्थानमा छ ।
इतिहार हेर्ने हो भने केन्या निकै बलियो छ । २०१४ मा विश्वकप छनोट प्रतियोगिताको अभ्यास म्याचमा नेपाल र केन्या पहिलो पटक आमने सामने भएका थिए । जुन खेलमा केन्या एक विकेटले विजयी भएको थियो ।
२०१५ को डिभिजन–२ मा नेपाल र केन्या दुई पटक खेलेका थिए । लिग चरणमा नेपाल ५ विकेटले पराजित भएको थियो भने तेस्रो स्थानको प्लेअफमा केन्याले १५ रनको जित हात पारेको थियो ।
त्यसपछि नेपाल र केन्या आईसीसी विश्व क्रिकेट लिग च्याम्पियनसिपमा एकअर्का विरुद्ध उत्रिएका थिए ।
करिव एक बर्ष अघि टियू क्रिकेट मैदानमा भएको पहिलो खेलमा केन्या पाँच विकेटले विजयी भयो भने दोस्रो खेलमा नेपालले ७ विकेटको जित हात पा¥यो ।