विश्वका जुनसुकै टिमलाई चुनौती दिन सक्ने अवस्थामा नेपाली टिम छ : सचिव खड्का
- नेप्लेज
- |
- २०८१-०४-०२
- |
- 662 पटक हेरिएको
नेपाल क्रिकेट संघका सचिव पारस खड्काले नेपाली क्रिकेट टिम विश्वका जुनसुकै टिमलाई चुनौति दिनसक्ने अवस्थामा पुगेको बताएका छन् ।
बुधबार काठमाडौंमा सीजी फुड्स नेपाल लिमिटेडद्वारा आईसीसी टी–२० विश्वकपमा सहभागी खेलाडीलाई प्रोत्साहन स्वरुप घोषणा गरेको पुरस्कार बितरण कार्यक्रममा सचिव खड्काले हालैको विश्वकपमा नेपालले गरेको प्रदर्शन प्रसंसायोग्य रहेको भन्दै विश्वका जुनसुकै टिमलाई चूनौति दिनसक्ने अवस्थामा पुगेको बताएका हुन्। नेपालले विश्वकपमा व्यहोरोको हार दु:खद भए पनि प्रदर्शन भने निकै उत्कृष्ट रहेको बताए । सचिव खड्काले आगामी दिनमा नेपाली क्रिकेटप्रतिको आशालाई निराशा हुन नदिन त्यही अनुसारको पूर्वाधारयुक्त तयारी गर्नुपर्ने जिकिर गरे ।
त्यस्तै नेपाली क्रिकेटर सन्दीप लामिछानेले विश्वकपको नतिजा जस्तो आएपनि थप अनुभव र हौसला प्राप्त भएको जिकिर गरे । अग्रजहरुका कारण नेपाली क्रिकेट अहिलेको अवस्थामा आइपुगको भन्दै उनले क्रिकेटमा नेपाललाई थप सफलता दिन मेहनत गर्ने उल्लेख गरे ।
कार्यक्रममा वाइवाइले यसअघि गरेको घोषणा अनुसार क्यानलाई १० लाख रुपैयाँ हस्तान्तरण गरेको थियो ।