विश्वकप २०२३  सुरु हुन दुई महिना बाँकी छ ।  तर त्यसअघि नै कोलकाताको ऐतिहासिक इडेन गार्डेन स्टेडियममा ठूलो दुर्घटना भएको छ । यहाँ मर्मत कार्यको क्रममा ड्रेसिङ रुममा भीषण आगलागी भएको छ ।  जसका कारण त्यहाँ राखिएका क्रिकेटरका सामान जलेर खरानी भएका छन् । प्रारम्भिक अनुसन्धानमा सर्ट सर्किटबाट आगलागी भएको पाइएको छ ।  

समाचार अनुसार बिहान १२ बजेतिर आगलागी भएको हो । दमकललाई खबर पाएलगत्तै दमकलले घटनास्थल पुगेर आगो निभाएको थियो । तर, यो दुर्घटनामा ड्रेसिङ रुमको फल्स सिलिङ्ग पुरै जलेको छ ।

सन् २०२३ को विश्वकपका धेरै महत्वपूर्ण खेलहरू इडेन गार्डेन स्टेडियममा खेलाइने भएपनि यो घटनाले धेरै प्रश्न खडा गरेको छ । भर्खरै आईसीसीको टोलीले विश्वकप आयोजना गर्ने विभिन्न रंगशालाको भ्रमण गरी त्यहाँ चलिरहेको निर्माण कार्यको निरीक्षण गरेको थियो ।  

आईसीसी एकदिवसीय विश्वकप २०२३ को दोस्रो सेमिफाइनल खेल इडेन गार्डेनमा हुनेछ । बंगलादेश र पाकिस्तानबीचको खेल पनि इडेन गार्डेनमा हुनेछ । विश्वकपको पहिलो खेल अक्टोबर २८ मा कोलकातामा हुनेछ । यसैबीच, भारतीय टोलीले नोभेम्बर ५ मा यही मैदानमा आफ्नो खेल खेल्नेछ। भारतको टोलीले दक्षिण अफ्रिकाको टोलीसँग प्रतिस्पर्धा गर्दैछ। यसरी यो आगलागीका कारण धेरै ठूला प्रश्नहरू पक्कै उठ्नेछन् ।