नरेन भट्टको उत्कृष्ट शतकमा एसीसी यू–१६ इस्ट जोन कप क्रिकेटको फाइनलमा नेपालले मलेसियालाई २५३ रनको बिशाल लक्ष्य दिएको छ ।
मलेसियाको बायोमास ओभल क्रिकेट मैदानमा नेपालले टस जितेर ब्याटिङ गरेको नेपालले निर्धारित ३५ ओभरमा ८ विकेटको क्षतीमा २५२ रन बनायो ।
जसमा नरेनले ८९ बलको सामना गर्दै ११२ रनमा अविजित रहे ।
यस्तै निरज कुमार यादवले ४७ रनको योगदान गरे ।
मलेसियाका लागि मोहम्मद अक्राले ३ विकेट लिए ।
नेपाल मलेसियालाई हराउँदै लगातार तेस्रो पटक उपाधि जित्न चाहन्छ ।
मलेसिया भने घरेलु मैदान र समर्थकको साथमा नेपाललाई हराउने दाउमा छ ।
नेपालले सेमिफाइनल खेलमा सिंगापुरलाई ९७ रन र मलेसियाले हङकङलाई ७८ रनले स्तब्ध पार्दै फाइनलमा पुगेको हो ।
