टाईगर टप भलिबलः महिलातर्फ न्यु डायमन्ड तेस्रो
- नेप्लेज
- |
- २०७९-१०-१३
- |
- 378 पटक हेरिएको
न्यु डायमन्ड स्पोर्टस क्लव तेस्रो टाईगर कप राष्ट्रिय तथा अन्तर्राष्ट्रिय आमन्त्रित खुल्ला क्लव भलिबल च्याम्पियनसिप महिला तथा पुरुष भलिबल प्रतियोगिताको महिलातर्फ तेस्रो भएको छ । तेस्रो भएसँगै न्यु डायमन्डले नगद रु १ लाख २५ हजार प्राप्त गरेको छ ।
आज भएको तेस्रो स्थानका लागि भएको खेलमा न्यु डायमन्डले आयोजक गण्डकी प्रदेशलाई ३–० को सोझो सेटले पराजित गरेको थियो ।
पोखरा रंगशालाको भलिबल कोर्टमा भएको खेलमा न्यु डायमन्डले २५–१९,२५–१६ र २५–१६ले जितेको छ ।
पहिलो सेमिफाइनलमा एपिएफले गण्डकी प्रदेशलाई ३–० को सोझो सेटमा र दोस्रो सेमिफाइनलमा त्रिभुवन आर्मी क्लवले न्यु डायमन्ड स्पोर्टस क्लवलाई ३–१ को सेटमा पराजित गरेको थियो ।
उपाधिका लागि भोली दुई विभागिय क्लव त्रिभुवन आर्मी क्लव र एपिएफ क्लव खेल्नेछन् ।
महिला–पुरुष दुवैतर्फ च्याम्पियन टोलीले रु पाँच–पाँच लाख र उपविजेता टिमलाई समान नगद रु दुई लाख ५० हजार पुरस्कार प्राप्त गर्नेछन् ।
तृतीय हुने टोलीलाई रु एक लाख २५ हजार र सान्त्वना हुने टिमलाई नगद रु ६५ हजारसहित ट्रफी र प्रमाणपत्र प्रदान गरिने छ ।
महिला तथा पुरुषतर्फ उत्कृष्ट एक–एक खेलाडीले जनही समान नगद रु २५–२५ हजार प्राप्त गर्नेछन् ।
हरेक विद्याका उत्कृष्ट पाँच खेलाडी र प्रशिक्षकलाई रु दश–दश हजार र ट्रफीसहित सम्मान गर्ने आयोजकले जनाएको छ ।