स्पेनिस ला लिगा फुटबलमा भिल्लारियलले जित दर्ता गरेको छ । शनिबार भएको खेलमा भिल्लारियलले ग्रानडामाथि ४–१ गोल अन्तरको जित दर्ता गरेको हो ।

ग्रानडाको मैदानमा भिल्लारियलले ३५ औं मिनेटमा पेनाल्टीमार्फत गोल गर्दै अग्रता लिएको थियो । उसका लागि  अरनोल्ड डेजुमाले गोल गर्दै अग्रता दिलाएका थिए ।

त्यसपछि ३९ औं मिनेटमा उनैले व्यक्तिगत दोस्रो गोल गर्दा भिल्लारियलले अग्रता दोब्बर बनायो । ६१ औं मिनेटमा लुइस मिलाले पेनाल्टीमार्फत गोल फर्काउँदा ग्रानडाले अग्रता २–१ मा ल्याएको थियो ।

फेरि ८१ औं मिनेटमा ग्रेनभेल्डले पेनाल्टीमा गोल गर्दै ह्याट्रिक पुरा गरेपछि भिल्लारियल ३–१ ले अघि बढेको थियो । दोस्रो हाफको अतिरिक्त समयमा मो गोमेजले गोल थपेपछि भिल्लारियल ४–१ गोल अन्तरले विजयी भयो ।

जीतपछि भिल्लारियल ३९ अंकका साथ चौथो स्थानमा उक्लिएको छ भने पराजित भएको ग्रानडा २४ अंकका साथ १५ औं स्थानमा छ । ला लिगामा रियल मड्रिड ५४ अंकका साथ शीर्ष स्थानमा रहेको छ ।