भारतकी चानुले जितिन ओलम्पिकमा भारत्तोलनमा रजत
- नेप्लेज
- |
- २०७८-०४-०९
- |
- 772 पटक हेरिएको
हाइलाइट्स
- भारतकी चानुले जितिन ओलम्पिकमा भारत्तोलनमा रजत
जापानमा जारी टोकियो ओलम्पिकमा भारतीय खेलाडी मिराबाई चानुले रजत पदक हात पारेकी छिन ।
उनले भारत्तोलनको महिला ४९ केजी तौल समुहमा रजत जितेकी हुन ।
भारतको मनिपुरकी खेलाडी मिराबाईले कुल दुई सय दुई केजी तौल उचालेर रजत जितेकी हुन ।
सो स्पर्धामा स्वर्ण भने चीनकी होउ झिहुइले जितेकी छिन । उनले कुल दुई सय १० केजी तौल उचालिन ।
मिराबाईले स्न्याचमा ८७ र क्लिन एण्ड जर्कमा एक सय १५ केजी तौल उचालेकी छिन ।
विश्व च्याम्पियन रहिसकेकी चानुले ४८ केजी तौल समुहमा कमनवेल्थ गेम्समा स्वर्ण जितेकी थिइन ।
चीनकी होउले स्न्याचमा ९४ केजी र क्लिन एण्ड जर्कमा एक सय १६ केजी तौल उचाल्दै स्वर्ण जितिन ।