गरिबीलाई छिचोल्दै स्टार बनेका ५ क्रिकेटर
- एजेन्सी
- |
- २०७८-०४-०७
- |
- 1215 पटक हेरिएको
पछिल्लो दशकमा विश्वका विभिन्न देशका क्रिकेटरहरुले क्रिकेटबाट थुप्रै नाम कमाएका छन् । अझ भनौँ अधिकांश क्रिकेटरहरु लाखौं हुँदै करोडपति पनि बनेका छन् । कतिपय अभिभावकहरु आफ्ना सन्तानलाई क्रिकेट खेलेको हेर्न रुचाउदैनन् तर हिजोआज समय बदलिएकोे छ ।
अभिभावकहरु स्वयं नै आफ्ना छोराछोरी क्रिकेट खेलोस भन्ने चहान्छन् । कारण, क्रिकेटबाट नामको साथ साथै आम्दानी पनि राम्रो हुने गर्दछ । उदाहरणका लागि भारतीय टिमका कप्तान बिराट कोहलीलाई लिन सकिन्छ ।
उनी विश्वकै सर्वाधिक महँगा क्रिकेटरमध्ये एक हुन् । सबै क्रिकेटरहरु धनी परिवारबाट हुँदैनन् । क्रिकेटमा नाम चलेका अधिकांश खेलाडीहरु गरिब पृष्ठभुमिबाट आएका हुन्छन् भने आफ्नै मिहिनेतका कारण क्रिकेटबाट लाखौँ र करोडौँ कमाउछन् ।
गरिब पारिवारिक पृष्ठभुमिबाट आएका ५ स्टार खेलाडीहरु ।
१. टी नटराजन
भरतीय क्रिकेटर टी नटराजनको कथा इन्टरनेटमा भाइरल भएको थियो जसमा उनी एक गरिब परिवारबाट भएको र आफ्नो मिहेनतका कारण उक्त ठाउँसम्म पुगेकोे कुरा उल्लेख गरिएकोे थियो ।
उनको ५ जना दाजुभाई भएकाले उनले सानैदेखि ठूलो संघर्ष गर्नुपरेकोे थियो । अहिले उनी भारतकै एक सफल युवा खेलाडीकोे रुपमा चिनिन्छन् ।
२. रोहित शर्मा
रोहित शर्मा भारतिय क्रिकेट टिमका उपकप्तान हुन् । उनी पनि एक गरिब परिवारबाट थिए र उनले आफ्नो स्कुलको फि समेत तिर्न सक्दैनथे । तर क्रिकेटले रोहित शर्मा आज भारतिय क्रिकेटमा नाम र दाम दुबै कमाउने खेलाडी बनेका छन् ।
३. रविन्द्र जडेजा
भरतको उत्कृष्ट अलराउण्डर क्रिकेटर मध्ये एक हुन् रविन्द्र जडेजा । उनको बुबा एक सेक्युरेटी गार्ड थिए भने उनका आमा एक नर्स थिए । बाल्यकालदेखि नै अभावमा जिउँदै आएका उनी अहिले सर्वाधिक महँगा क्रिकेटरमध्ये एक हुन् ।
४. रासिद खान
अफगानिस्तानका उत्कृष्ट क्रिकेटरको रुपमा उदाएका रासिद खान प्राय सबैखाले टी २० खेल्ने लेग स्पिनर हुन् । उनले आफ्नो बाल्यकालमा अफगानिस्तानको विद्रोह र आर्थिक अभाव झेलेका थिए । उनी अहिले विश्वकै उत्कृष्ट बलरमध्ये एक हुन् ।
५. जसप्रित बुमराह
जसप्रित बुमराह भारतको सबैखाले फम्र्याट खेल्ने सफल बलर हुन् । उनले मुम्बई इन्डियन्सका लासग आइपिएल खेल्दै आएका छन् । उनी आफ्नो विगतलाई सम्झिँदा संघर्षको समयमा आफुसँग एकजोर जुत्ता र टि सर्ट मात्र भएको कुरा बताउने गर्दछन् ।