नेप्लेज, बार्सिलोना तथा अर्जेन्टिनाका कप्तान लियोनल मेस्सीले आफ्नो करियरमा गरेका सम्पुर्ण गोलहरु डायरीमा रेकर्ड राख्ने १०० वर्षिय वृद्ध हेर्ननलाई हालै कोपा अमेरिकाको उपाधि जितेका मेस्सीले भिडियोमार्फत सन्देश पठाएका छन् । 

हेर्ननका नातिका कारण उक्त भिडियो सामाजिक सञ्जालमा चर्चामा आएको थियो ।  मेस्सीले खेलेका खेल,प्रतिद्धन्दी क्लब र मेस्सीको गोल संख्याका साथै मितीसमेत हेर्ननले उक्त डायरीमा लेखेका छन् ।  

हेर्ननका नातिले उक्त भिडियो सञ्जालमा राखेपछि मेस्सीले जवाफ पठाउँदै उनलाई भिडियो सन्देश पठाएका हुन् । मेस्सीकोे सन्देश पाएपछि हेर्नन भावुक भएको देखिन्थे । 

‘हेर्नन मैले तपाईको कथा सुने र मलाई लाग्छ यो निकै रोचक कुरा हो’ मेस्सीले भिडियोमा भनेका छन् । 

 ‘तपाईलाई यस भिडियोमार्फत ठुलो सम्मान प्रकट गर्न चहान्छु र धन्यवाद भन्न चहान्छु’ मेस्सीले भिडियोको अन्त्यमा भनेका छन् । 

अर्जेन्टिनी कप्तान मेस्सी कोपा अमेरिका उपाधि जितेपछि परिवारको साथमा छ्ट्टीमा मायमीमा रहेका छन् ।