केल्मी र ओलम्पिक कमिटिबीच प्रायोजन सम्झौता
- नेप्लेज
- |
- २०७८-०३-११
- |
- 1099 पटक हेरिएको
हाइलाइट्स
- अध्यक्ष जीवन राम श्रेष्ठ र नेपालका लागि केल्मीको आधिकारिक विक्रेता कामरुका प्रमुख प्रदीप न्यौपानेबीच सम्झौता पत्रमा हस्ताक्षर
- १७ खेलाडी तथा प्रशिक्षक र १९ अन्यलाई गरि २० लाख बराबरको खेल सामग्री
स्पेनिस ब्राण्ड केल्मीले नेपाली ओलम्पिक टोलीलाई प्रायोजन गरेको छ ।
शुक्रबार नेपाल ओलम्पिक कमिटि सातदोबाटोमा आयोजित एक कार्यक्रममा नेपाल ओलम्पिक कमिटिले केल्मीसँग प्रायोजन सम्झौतामा गरेको छ ।
ओलम्पिक कमिटिका अध्यक्ष जीवन राम श्रेष्ठ र नेपालका लागि केल्मीको आधिकारिक विक्रेता कामरुका प्रमुख प्रदीप न्यौपानेबीच सम्झौता पत्रमा हस्ताक्षर भएको छ ।
सम्झौतासँगै केल्मीले कमिटिलाई १७ खेलाडी तथा प्रशिक्षक र १९ अन्यलाई गरि २० लाख बराबरको खेल सामग्री उपलब्ध गराउने छ ।
अब टोकियो ओलम्पिकमा नेपाली टोलीले केल्मीको खेल पोशाक प्रयोग गर्ने छन् ।
नेपालबाट पाँच खेलाडीले टोकियो ओलम्पिक खेल्ने तय भईसकेको छ ।
सम्झौतापछि बोल्दै अध्यक्ष श्रेष्ठले नेपाली खेलकुद र नीजि क्षेत्रबीच सहकार्य र साझेदारी आवश्यक रहेकोमा जोड दिदै केल्मीसँगको सम्झौता दीर्घकालीन हुने र नेपाली खेलकुदलाई अझै व्यवशाहिकता तर्फ लाने विश्वास व्यक्त गरे ।
कामरुका निर्देशक न्यौपानेले टोकियो ओलम्पिकमा सहभागी हुने टोलीको पोशाक प्रायोजन गर्न पाएकोमा खुसी भएको बताए ।
टोकियो ओलम्पिक जुलाई २३ देखि अगस्ट ८ सम्म हुनेछ ।
औपचारिक उद्घाटन भने जुलाई २३ मा हुनेछ । ओलम्पिकमा ३३ खेलमा प्रतिस्पर्धा हुनेछ । कुल ३ सय ३९ पदकका लागि खेलाडीले प्रतिस्पर्धा गर्ने छन् ।