क्रिकेट टिमको बन्द प्रशिक्षण रोकिने !
- नेप्लेज
- |
- २०७८-०३-११
- |
- 2220 पटक हेरिएको
नेपाली राष्ट्रिय क्रिकेट टिमको बन्द प्रशिक्षण स्थगित हुने सम्भावना रहेको छ ।
आईसीसीले स्पेनमा आयोजना हुने विश्वकप क्रिकेट लिग टू अन्तर्गतको नेपाल, नामेविया र स्कटल्याण्ड सम्मिलित सिरिज कोरोना महामारीका कारण स्थगित गरेपछि नेपाली टिमको बन्द प्रशिक्षण पनि प्रभावित हुने सम्भावना बढेको हो ।
नेपाली क्रिकेट टिमले त्रिवि क्रिकेट मैदान कीर्तिपुरमा मंगलबारदेखि प्रशिक्षण शुरु गरेको थियो ।
विहीबार आईसीसी र क्यान दुवैले प्रतियोगिता स्थगित भएको जानकारी दिएका छन् ।
उक्त सिरिजका लाग नेपाली टिममा रहेका १९ जना खेलाडीहरुले प्रशिक्षण शुरु गरेका थिए ।
क्यान स्रोतका अनुसार अहिलेको अवस्थामा प्रतियोगिता नहुने भएपछि बन्द प्रशिक्षणको औचित्य नभएको र त्यस विषयमा आज निर्णय हुन सक्ने जनाइएको छ ।
तर, आजको अभ्यासको तालिका भने रहेको जनाइएको छ ।
नामिबिया क्रिकेट टिमका खेलाडीहरुमा कोरोना भाइरसको संक्रमण देखिएको कारण देखाउँदै आईसीसीले सिरिज आगामी २०२२ जुलाई सम्मका लागि स्थगित गरेको छ ।
स्थगित नभएको भए साउन ५ बाट स्पेनमा शुरु भएर १५ साउनमा सकिने तय थियो ।
यसअघि स्कटल्यान्डमा हुने तय भएको सिरिज कोरोना भाइरसका कारणका त्यहाँ लगाइएको यात्रा प्रतिबन्धका कारण स्पेनमा सिरिज गर्ने निर्णय भएको थियो ।