समुह सी काे विजेता बन्दै नेदरल्याण्ड्स युराे कपकाे अन्तिम १६ मा
- नेप्लेज
- |
- २०७८-०३-०७
- |
- 1057 पटक हेरिएको
हाइलाइट्स
समुहको अन्तिम खेलमा नेदरल्याण्ड्सले पहिलो पटक युरोकप खेलिरहेको नर्थ मेसोडोनियालाई तीन शुन्यले हरायो ।
नेदरल्याण्ड्स युरो कपको समुह सी बाट विजेताका रुपमा युरोकपको प्रिक्वाटरफाइनलमा प्रवेश गरेको छ । समुहको अन्तिम खेलमा नेदरल्याण्ड्सले पहिलो पटक युरोकप खेलिरहेको नर्थ मेसोडोनियालाई तीन शुन्यले हरायो ।
यो जितपछि नेदरल्याण्ड्सले लगातार तीन खेलमा नौ अंक बनाउँदै नकआउट चरणमा पुगेको छ । एकतर्फि जस्तो बनेको खेलको दोस्रो मिनेटमा नै नेदरल्याण्ड्सले राम्रो अवसर पाएको थियो । तर उसका ग्राभनेब्रिचको प्रहार पोष्टको माथिबाट बाहिरीयो ।
खेलको १० औं मिनेटमा नर्थ मेसोडोनियाले खेलमा अग्रता बनाएको थियो । उसका लागि ट्रच्कोभोस्कीले गोल गरेपछि रेफ्रीले भिएआरको सहायताले अफसाइड दिए । २२ औं मिनेटमा फेरी मेसोडोनियाले अर्को अवसर सिर्जना गरेको थियो । यसपटक ट्राज्कोभ्स्कीले २० यार्डबाट प्रहार गरेको बल पोष्टको नजिकबाट बाहिरीयो ।
खेलको २४ औं मिनेटमा नेदरल्याण्ड्सले अग्रता बनायो । उसका लागि डिपेले गोल गर्न सफल भए । त्यसपछि दुबै टिमबाट खासै राम्रो मुभ बन्न सकेन र पहिलो हाफमा नेदरल्याण्ड्स एक शुन्यको अग्रता बनाउन सफल भयो ।
दोस्रो हाफमा पनि नेदरल्याण्ड्सले आक्रामक खेललाई जारी राखेको थियो । जसका कारण खेलको ५१ औं मिनेटमा उसले खेल दुई शुन्यमा पुर्यायो । उसका लागि विज्नाल्डमले गोल गर्न सफल भए । उनले डिपेले डिबक्समा मिलाएको बललाई गोलमा परिणत गरे ।
त्यसपछि खेलको ५९ औं मिनेटमा खेल तीन शुन्यको अवस्थामा पुर्यायो । यसपटक पनि उसका लागि विज्नाल्डमले ब्यक्तिगत दोस्रो तथा टिमका लागि तेस्रो गोल गरे ।
खेलको ६९ औैं मिनेटमा पान्डेभलाई मैदान बाहिर सब्सिच्युटका रुपमा निकालेसँग उनले आफ्नो करियरबाट विश्राम लिएका छन । मेसेडोनियाका लागि २० बर्षको करियर उनले योसँगै समाप्त गरेका छन ।
त्यसपछि दुबै टिमबाट थप गोल हुन सकेनर नेदरल्याण्ड्सले तीन शुन्यको सहज जित निकाल्दै अन्तिम १६ मा पुुग्यो ।