युरो २०२० मा स्वीडेन विजयी
- नेप्लेज
- |
- २०७८-०३-०४
- |
- 1015 पटक हेरिएको
हाइलाइट्स
- स्लाेभाकिया १-० गाेल अन्तरले पराजित
- ७७ औं मिनेटमा पेनाल्टीमार्फत गाेल
युरो २०२०मा स्वीडेनले पहिलो जित निकालेको छ ।
जितका साथ तीन अंक थप्दा स्वीडेनले २ खेलबाट चार अंक बनाउँदो समूह ईको शीर्ष स्थानमा उक्लिएको छ ।
आज भएको खेलमा स्वीडेनले स्लोभाकियालाई १–० गोल अन्तरले पराजित गरेको हो ।
पराजित भएको स्लोभाकिया ३ अंकसहित दोस्रो स्थानमा रहेको छ ।
यो समूहमा रहेको स्पेनले एक अंक जोडेको छ भने पोल्याण्डले खाता खोलेको छैन ।
सेन्ट पिटर्सबगमा भएको खेलमा स्वीडेनलाई जिताउनका लागि इमिल फोसबर्गले पेनाल्टीमा गरेको गोल नै निर्णायक बन्न पुग्यो ।
पहिलो हाफ गोलरहित बराबरीमा सकिएको खेलमा स्वीडेनले ७७ औं मिनेटमा पेनाल्टी पाएको थियो ।
स्वीडेनका रबिन क्वेसनलाई स्लोभाकियाका गोल किपर मार्टिन डुब्राभ्काले फल गरेपछि पेनाल्टी दिइएको थियो ।
उक्त पेनाल्टीलाई इमिलले गोलमा परिणत गर्दै स्वीडेनलाई जित दिलाए ।