अन्तिम १६ मा पुग्ने लक्ष्यमा बेल्जियम
- नेप्लेज
- |
- २०७८-०३-०३
- |
- 768 पटक हेरिएको
हाइलाइट्स
आजको खेल भावनात्मक रुपमा पनि आफ्नो टोलीका लागि कठिन रहेको प्रशिक्षक कास्परको भनाइ छ । डेनमार्कलाइ नकआउट चरणको संभावना कायमै राख्न फिफा वरियताको पहिलो स्थानको टिम बेल्जियमलाइ हराउनु पर्नेछ । बेल्जियमले भने पहिलो खेलमा रुसलाइ तीन शुन्य गोलले पराजित गरेको थियो ।
युरोकपमा आज समुह बी मा रहेका डेनमार्क र बेल्जियम बीच प्रतिस्पर्धा हुदैछ । डेनमार्क आफ्ना स्ट्राइकर क्रिस्टियन एरिक्सनलाइ कार्डियाक अरेस्ट भएपछि पहिलो खेल खेल्दैछ ।
कोपेनहेगन स्थित पार्केन स्टेडियमा हुने खेल नेपाली समय अनुसार राती पौने दश बजे सुुरु हुनेछ । डेनमार्क आफ्नो पहिलो खेलमा फिनल्यान्डसंग एक शुन्य गोलको हार बेहोरेको थियो । सोही खेलमा एरिक्सनलाइ कर्डियाक अरेस्ट भएपछि खेल एक घन्टा बढी रोकिएको थियो ।
पुन सुरु भएको खेलमा डेनिस टोली जीत हात पार्न असफल भयो । टिमले सामान्यता प्रतिस्पर्धाको एक दिन अघि खेल हुने स्थानमा अभ्यास गर्छन । तर डेनमार्कले बेल्जियम संगको खेल अघि एरिक्सनको घटना भएको पार्केन स्टेडियममा अभ्यास गरेन् । केही खेलाडीले ट्रमा बाट बाहिर आउन स्टेडियम भ्रमण गरेको बताइएको छ । प्रशिक्षक कास्परले टोलीमा रहेका मनोचिकित्सक र संकट ब्यबस्थापन टिमले खेलाडीलाइ ट्रमा बाट निकाल्न सहयोग गरिरहेको बताएका छन ।
आजको खेल भावनात्मक रुपमा पनि आफ्नो टोलीका लागि कठिन रहेको प्रशिक्षक कास्परको भनाइ छ । डेनमार्कलाइ नकआउट चरणको संभावना कायमै राख्न फिफा वरियताको पहिलो स्थानको टिम बेल्जियमलाइ हराउनु पर्नेछ । बेल्जियमले भने पहिलो खेलमा रुसलाइ तीन शुन्य गोलले पराजित गरेको थियो ।
आज जीत हात पारे उसले नक आउट चरणमा स्थान बनाउने छ । चोटग्रस्त मिडिफिल्डर केभिन डि ब्रुयना पनि टिममा फर्किएका छन । बेल्जियमले , खेल सुरु भएको दश मिनेटमा बल मैदान बाहिर पठाएर एरिक्सनलाइ समर्पित गर्ने भएको छ । एरिक्सनको जर्सी नम्बर दश भएकाले दश मिनेटको समय छनेट गरिएको हो ।